Itzuli orri nagusira Bidali hau Inprimatu

Conversa: euskarazko blogen sailkapena

© cc-by-sa  Sustatu ¦ 2006-06-09 ¦ 11:12 ¦ Blogak

David Alcubierrek sortu du Conversa, blogak Technoratiko datuen arabera sailkatzen duen aplikazioa. Euskarazko bertsioa, Arkaitz Zubiaga Mutilmediatikoarekin egin du, eta hor duzue. Sustatu dago lehena, baina bigarren Internet & Euskadi elkartearen blog elebiduna (nagusiki erdaraz). Katalanezko eta galizierazko ranking-ak ere ikus daitezke. Zure bloga ez bada ageri, gehitzeko aukera duzu bertantxe.

Erref.: Conversa: euskarazko blogen sailkapena (kedume.net)

Publizitatea

Erantzunak

#1. Re: Conversa: euskarazko blogen sailkapena

asier ¦ 2006-06-09 ¦ 12:10

Horrelako tresnek beti duten muga alde batera lagata (hau da, zein fidagarritasun maila duten), benetan pozgarria zerrenda hori aztertzea. Euskarazko zerrenda baino, euskarazko blogak gaztelaniazkoekin, katalanekin eta galegoekin alderatzen dituena.

Lehenengo 50 blogen artean dago lehenengo euskal bloga, Sustatu, eta gaztelaniazko punta-puntako beste hainbat blogekin lehiatzen. Gainera, katalanezko beste edozein blog baino gorago. Hurrengo postuetan ere, euskarazko beste 4 blog azaltzen dira.

Euskarak beti galdu ditu tren teknologiko guztiak: inprentarena, egunkariena, irratiarena, telebistarena... badirudi Interneten eta blogen kasuan ez gabiltzala hain txarto.


#2. Re: Conversa: euskarazko blogen sailkapena

iturri ¦ 2006-06-09 ¦ 13:49

Kaixo:

Nik oraintxe gehitu dut nirea.

Eskerrik asko lan hau egin dutenei.

#3. Iturri: Pool position

patxi gaztelumendi ¦ 2006-06-09 ¦ 16:26

aupa Mikel:

Zure helbidea gehitu, eta gora gora egin duzu. Goiko postuetan agertzen baitzara.

Hori da hori marka, ondo lotuta dauzkazu Technoratiko loturak txo!

Erantzun artikulu nagusiari

Pil-pilean!

Erantzun gehien izan dituzten albisteak