Lurzoru legearen inguruko eztabaidaren bila Etxebide.info-n

metaltrainer - zulotik ¦ 2006-05-19 ¦ 13:52 ¦ Politika

Toki askotan entzun dut Jaurlaritzako Etxebizitza eta Gizarte Gaietako sailak eztabaida antolatu duela sarean Lurzoru lege berriaren inguruan. Kuxkuxeroa naizenez saiatu naiz eztabaida bila eta ibilbide kuriosoa egin dut. Artikulu hau irakurtzen bukatzen duenarentzat saria: eztabaidarako lotura.

Publizitatea

Etxebideren webgunean ez nuen ezer aurkitzen, albistea bai, baina besterik ez. Non ote dago eztabaida gune hori?

Azkenean erori naiz prentsaurrekoaren bideora, eta pazientziaz 23 minutuko bideoa ikusita entzun dut "Cuando entramos a la web se nos abre un pop-up y desde allí accedemos"

Eztabaida horren bila bazoaz, pop-up blokeatzailea kendu beraz. Edo bestela segi lotura hau:

Plan Zuzendariaren inguruko kalaka

Erantzunak

#1. Kelifindatzailea

Luistxo ¦ 2006-05-19 ¦ 16:16

Eskerrak eman diguzun helbidea pop-up horretan ezkutatuta zegoenarena, ze ez nuen asmatzen. Multimedia klikatu eta pentsatu dut hor izango zela, baina prentsaurrekoko bideo aspergarria zen. Ez nuen pentsatzen ikustea beharrezkoa zenik asmatzeko nola erabili kontu hau.

Enfin, eztabaida horietara joan, eta aurreko iritziak ikusterakoan, errorea azaltzen da eta hau irteten zait:

java.lang.NullPointerException

lang hori euskaragatik ote zen pentsatu dut, baina gaztelaniaz berdin, ez dabil.

Izan ere, bideoaren une jakin batean hala esaten dute: Bueno, parece que la aplicación no se puede ver por problemas técnicos, o sea que os voy a explicar cómo funciona.

Eta, bueno, eztabaidagaiak, zoragarriak:

Nola balioetsiko zenuke honako hauen aldeko apustu irmoa egitea?

Hiri-lurzoru degradatua leheneratzea

Hasiera batean gizarte-ekipamendutarako lur-zatietan etxebizitzak eraikitzeko guneak ezartzeko aukera

Bueno, badaezpada ez dute galdetzen EAJren azken ateraldiaz, babes ofizialeko etxeetarako eskubidea izateko orduan irabazietan toperik ez izatearena... Madrazok hori ere irentsi beharko du.

Berdin dio guztiak, eztabaida publikoa plazaratu da, Interneti esker, eta beraz, gero ez du balioko kexatzeak. Herriaren ahotsa entzuna izango da. Amen.

#2. Re: Kelifindatzailea

Ion Gaztañaga ¦ 2006-05-20 ¦ 10:21

> Bueno, badaezpada ez dute galdetzen EAJren azken ateraldiaz, babes ofizialeko etxeetarako eskubidea izateko orduan irabazietan toperik ez izatearena... Madrazok hori ere irentsi beharko du.

Noski baietz! Eman diezaiogun 1200 euro irabazten dituen bati denon diruarekin 100.000 euroko etxe bat, kreditu biguna etb. eta 1800 irabazten dituenari 500.000 etxe bat erostera behartuko dugu "aberatsegia" delako. Hori bai dela politika "soziala". Etxebizitzak unibertsala izan beharko luke, osasun zerbitzua bezalakoa eta denek, diskriminaziorik gabe, izan beharko lukete etxebizitzarako aukera. Bidegabekeria bat ez da beste bidegabekeria batekin konpontzen. Pertsona bati diru gutxiago irabaztea gehiago komeni izatea, bai dela tristea herri honetan! Zertarako saiatuko gara orduan ba hobeago lan egiten, gure egoera hobetzeko?

Babestutako etxeetan gertatutako merkatu beltza ere aztertu beharko litzateke. Zenbat etxe saldu dira babes ofizialeko prezioan, gero eskupetik diru beltz gehigarriarekin? Nola banatu dira hainbat eta hainbat etxebizitza interesen arabera?