Itzuli orri nagusira Bidali hau

Euskaldunen gaineko topiko handiena: gure sormena?

© cc-by-sa  Sustatu ¦ 2006-01-19 ¦ 12:40 ¦ bestelakoak

Munduko aurreiritzien mapa bat argitaratu du Google zaintzera dedikatzen den blog ezagun batek, Google Blogoscoped delakoak. Bilaketa ariketa batzuk egin ditu autoreak: Germans are known for ... Zein terminorekin ageri den naziotasun bakoitza, horra topiko zerrenda. Eta euskaldunak, zerk definitzen gaitu?

Publizitatea

Euskaldunak ez gara ageri mapa nagusi horretan. Baina ariketa berdin berdin egin daiteke.

Basques are known for...:

  • creativity (sormena)
  • their unique language (gure hizkuntza bakan hori)
  • strong competitive spirit (lehiarako gogo gogorra)
  • deep love of games (jokoa maite dugu, jokoa ez dela errenta jakin behar genukeen arren).

Tira ba. Katalanek, berriz, ezaugarri hauek dituzte, bereziki deigarria laugarrena:

  • independent spirit (izpiritu independentea)
  • enjoying food (jana gustatzen zaie)
  • business skills (negozioetarako gaitasuna)
  • annal fixations (uzkiarekin obsesioak!)

Erantzunak

#1. Eta zer maite dugu?

Sustatu ¦ 2006-01-23 ¦ 09:38

Ariketa honetatik abiatuta, beste morroi batek munduak zer maite duen aurkitu du eta mapa batean itsatsi.

Ariketa bera da, Googlen galdetu ea zer maite duten hauek edo haiek. Canadians love their... Basques love their...

Eta zer maite dugu? gure kontsonanteak, gure txirrindularitza taldea, eta gure ohiturak.

Erantzun (klik zabaltzeko)

Publizitatea