Euskal testu klasikoen bilduma sarean

© cc-by-sa Sustatu ¦ 2005-04-14 ¦ 11:26 ¦ BWEB

Klasikoen Gordailua sortu dute Susaren Armiarma.com helbidean. Euskal literaturako testu klasikoen bilduma sakon eta zehatza da. Patxi Salaberri irakaslea izan da proiektuaren arduraduna.

Publizitatea

Euskal testuak dira gordailuan jaso direnak, "klasiko" izendapenarekin ezagutzen ditugunak. Literaturaren alorreko testuak dira gehienak, baina ez bakarrak.
Euskal literaturako lehen agerpenetatik 1936ko gerrak ezartzen duen mugara arte ekoitzi diren euskarazko literatur testuak biltzeko asmoa du guneak.
Gordailua da, testu horiek denak batzen dituen tokia delako. Irakurtzeko, erabiltzeko, ezagutzeko testuak dira, eta hala balia daitezen da egileen asmoa.

Hiru ataletan banatu dituzte testu klasikoak:

Idazleak eta idazlanak: Alfabetikoki, kronologikoki edo generoka egin daiteke bilaketa.

Herri literatura: Lau ataletan banatu dituzte herri literaturako testuak. Balada, poesiak, kantak, ipuinak, kondairak, antzerkia, atsotitzak eta beste aurkituko dituzu bertan.
Testuak: Testu zaharrak eta epigrafikoak bildu dituzte.