#1. Re: E-posta konfirmazioa ezinbestekoa izango da aurrerantzean Sustatun

Anonimoa ¦ 2004-10-15 ¦ 12:33

Uste dut ez duela ezertarako balio. Horrekin benetako eposta bat dela jakin daiteke bakarrik baina norena den jakitea lehen bezain zaila (edo erraza) da. Azkenean IP konexio iturri eta abar aztertu beharko lirateke arazoak izan eta berriz ere epaitekietatik antzeko eskariren bat jasoz gero. Izan ere zein erraz den helbde elektroniko berriak doain eta anonimotasunean sortzea.

> - Konfirmazioaren ondoren, mezu orijinala bada, artikulu orijinalekin orain gertatzen den bezala, edizio-taldeak onartzeko zain geratuko da. Erantzuna baldin bada mezua, automatikoki argitaratuko da.

Nik anonimoa izaten jarraituko dut. Nire izenarekin artikulu nagusi bat idazten saiatu nintzen baina bat ere ados ez negoen irispide batzuen ondorioz artikulu hori ez zen argitaratu. Ez zen sustatun agertzen diren beste asko baino kritikoagoa, irainik inondik ere ez, eta jorratzen zen gaia baina polemiko/politiko/arriskutsuagoak jorratzen dira sustatun. Ikuspegia ere ez zen sustaturen lerro editoriala (horrelakorik izango balu ere) mozten duena.
Bestalde interesgarria litzateke epaitegietara eramana izan den mezua zein den jakitera, sustatun parte hartzen dugunok justiziak gure adierazpen askatasunaren muga non jartzen duen jakiteko.

#2. Re: E-posta konfirmazioa ezinbestekoa izango da aurrerantzean Sustatun

Sustatu ¦ 2004-10-15 ¦ 17:39

Gure ustetan, zeozertarako balio dute.

Zure izena emateko, anonimoa izaten jarraitzeko edo seudonimo batekin idazteko eskubide osoa duzu, zure erabakia da, zuk ikusi eztabaida aberastu edo oztopatu egiten duen.

Ez dugu esan zure benetako izen eta abizenarekin publikatu behar duzunik. Bakarrik e-postazko konfirmazioa behar dela argitaratzeko.

Duela gutxi aipatu ziren arrazoiengatik bidalitako albiste guztiak ez dira publikatzen, aukeraketa bat egiten da. Irizpide eta arau batzuk daude.

Bestalde, epaitegietara eramana izan den mezua ezin dugu publikoa egin. Baina jakin ezazu justizia norbaitek jarritako salaketaren ondoren ipini dela martxan, ez beraz "justiziak adierazpen askatasunaren muga" nonbaiten jarri duelako.

Ez du "Justiziak", epaitegietako makinariak, salatu Sustatu, baizik eta Sustatu irakurri duen partikular batek.

Mila esker jarraipena eta parte hartzeagatik.

#3. Re: E-posta konfirmazioa ezinbestekoa izango da aurrerantzean Sustatun

Txopi ¦ 2004-10-17 ¦ 23:31

> Bestalde, epaitegietara eramana izan den mezua
> ezin dugu publikoa egin.

Ezin duzuela? Ez dut uste... publikoa ez egitea erabaki duzuela esan eta listo.

Imaginatuko duzuenez, ez nago ados jada publikoa den informazio hori zein den ez esateagatik. Hori jakinda agian erabiltzailearen identitatea salatzeagatik kritikak jasoko zenituzkete, baina noski datu hori ezkutatuz hori ezinezkoa da.

Bestalde, argi dago baieztapen mezuaren kontua etorkizunean poliziari informazio hori eman ahal izateko dela. Interneteko zein forotan egiten da hori?

Badakit egiten duzuen lan guztia borondate onarekin egiten duzuela, eta eskertzen da Sustatu bezalako webgune bat egotea ezer ez egotea baino. Baina daramazuen bidea ikusita beste Sustatu bat gero eta beharrezkoagoa ikusten dut... Zuek diozuen bezala beste euskal foro bat sortu beharko da (edo dagoen bat bultzatu), daramazuen bidetik aldenduko ez zaretela guztiz erabakita duzuela ikusten da eta.

Zuek jarraitu horrela, nahi duzuen moduan jokatzeko eskubide osoa duzue eta. Baina jakintzazue Sustatuko irakurleok ez garela inozoak.

#4. Re: E-posta konfirmazioa ezinbestekoa izango da aurrerantzean Sustatun

Luistxo ¦ 2004-10-18 ¦ 09:42

> Bestalde, argi dago baieztapen mezuaren kontua etorkizunean poliziari informazio hori eman ahal izateko dela. Interneteko zein forotan egiten da hori? >

Vilaweb-eko foroetan, Loquo-ko mezu pertsonalen komunitatean... Kataluniako Interneteko ekimen sendo batzuen adibide pare bat aipatzeagatik.

> Badakit egiten duzuen lan guztia borondate onarekin egiten duzuela, eta eskertzen da Sustatu bezalako webgune bat egotea ezer ez egotea baino. Baina daramazuen bidea ikusita beste Sustatu bat gero eta beharrezkoagoa ikusten dut... Zuek diozuen bezala beste euskal foro bat sortu beharko da

Beraz, ados, Txopi eta Sustatu: foro gehiago behar dira. Bereziki, Sustaturenak baino irizpide hobeak dituen foroak behar dira, Sustaturenak okerrak badira. Beraz, animo.

#5. Erantzukizuna, astakeriak esaten dituenarena

Gari Araolaza ¦ 2004-10-18 ¦ 10:02

Bestalde, argi dago baieztapen mezuaren kontua etorkizunean poliziari informazio hori eman ahal izateko dela. Interneteko zein forotan egiten da hori?

Zuk horrela ulertzen baduzu sentitzen dut. Guk nahi duguna da, norbera izatea norberak esandako gauzen erantzule. Sustatuk ezin du inolaz ere besteek esandako astakerien erantzule izan.

Luistxok azaldu dizu zein forotan egiten diren horrelako gauzak. Gainera, guk aproba egin dugu dena librean jarrita, eta emaitza gure aurka etorri da. Hasieratik moderatua izango balitz orain ez luke inork ezer esango. Bost puxtarri Sustaturentzat.

#6. Izena, abizena eta NAN

Ina ¦ 2004-10-19 ¦ 13:13

<vilaweb.com> edo <Loquo.com> webetan bezala Interneteko beste foro askotan eskatzen da e-postazko konfirmazioa.

Ez hori bakarrik, foro batzuetan zenbait gauzei buruz mezuak argitaratzeko izena, abizena eta NAN zenbakia eskatzen dute.

"se utilizará el foro Off-Topic o aquel que guarde una mayor relación con dicho tema y obligatoriamente el autor deberá publicar su nombre, apellidos y DNI" (Software Libreko PHP-Nuke foroen arauetatik, adibidez)

Abusuengatik foroak itxi egiten direla ikusita (Errealekoa, adibidez), ez zait iruditzen hain arraroa PHP-Nukek, vilawebek, loquok edo Sustatuk hartu duten erabakia.