Sustatu da webgune euskaldunik bisitatuena, Alexaren esanetan

Cybereuskadi Elkarteak Euskal Herriko webguneen ranking-a kaleratu du Alexaren datuekin. Ranking horretan oinarrituz, guk webgune euskaldun elebakarren sailkapena egin dugu. Podiumeko hiru postuetan, Sustatu, Berria eta Euskalerria.org. Zenbagarren dago zurea?

Publizitatea

Erantzunak

• Zorionak, baina kontutan hartu...

  Osoitz ¦ 2004-06-10 ¦ 11:19

  >Hala ere, esan beharra dugu askotan kolokan jarri izan dela >Alexaren datuen fidagarritasuna, batez ere zerrendako atzeko >postuetan.
  
  Zalantzan jartzeko modukoa da, kontutan hartzen baduzu Alexak nagusiki Internet Explorer 6 erabiltzaileen nabigazio datuak espiatzen ateratzen dituela gero eta zabalagoa den talde baten datuak kanpoan uzten ditu:
  
  - Spywarea kentzeko programak erabiltzen dituzten Internet Explorer 6 erabiltzaileak. (Kalkula ezina, gero eta zabalagoa).
  
  - Internet Explorer 6 ez den beste nabigatzaile bat erabiltzen dutenak (W3schools-en arabera %25-%30).
  
  Bestalde gehitu beharko liratezke Alexa nabigazio barra instalatuta duten IE erabiltzaileak, Alexaren informazio iturri ofizial bakarra. (Ez dakit euskaldunen kopurua nola kalkulatu).
  
  Hala ere zorionak, segurtasun neurririk hartzen ez duten IE6 erabiltzaileak oraindik asko dira, eta Sustatu bisitatuenen artean dagoela esan daiteke gezurrik esan gabe.
  
  Osoitz

  Erantzun honi

• Espioiak

  Osoitz ¦ 2004-06-10 ¦ 11:47

  Ordenagailuan sartzen zaizigun espioien inguruan Jabi Zabalk artikulo majo bat du Sarean.com-en:

  http://www.sarean.com/sarean/000523.html

  Erantzun honi

• Alexak dioenez...

  Eñaut ¦ 2004-06-10 ¦ 14:09

  Alexari jaramon eginez, 100.000. postutik aurrerako datuak ez dira oso fidagarriak.
  Euskararen ranking-eko "brontzezko domina" (euskalerria.org) 120.620. postuan dago.
  
  Atera kontuak...

  Erantzun honi

• zalantzazkoak, baina ez horrenbeste

  j.a. ¦ 2004-06-10 ¦ 14:49

  > > Zalantzan jartzeko modukoa da, kontutan hartzen baduzu Alexak nagusiki Internet Explorer 6 erabiltzaileen nabigazio datuak espiatzen ateratzen dituela gero eta zabalagoa den talde baten datuak kanpoan uzten ditu:
  >
  
  Niretza ere oso zalantzazkoak dira datuak, bai.
  Eta egia da euskaldun askok ez degula IE erabiltzen, eta ez degula Alexaren barra instalaute.
  
  baina datu horrek dio, alexari datuak bidaltzen dizkieten euskaldunek (eta ez dira gutxi izango), zein webgune ikusten dituzten.
  
  datu absolutuak ez dira, igual, oso fidagarriak, baina webgune bisitatuenak zeintzuk diren nahiko garbi erakutsiko digu zerrenda horrek.
  
  Hor ez dagoenak ez du bisita gehiegi izango...
  
  

  Erantzun honi

• What a fucking izorrategi!

  Pello Zubiria ¦ 2004-06-10 ¦ 14:48

  Ni hemen, txoria baino kontentuago, nire inguruko guztiei lata ematen "hi, egin'tzak aproba, 'espondilitis' jarri eta Googlen eta lehen orrian azaltzen duk Izorrategi, gaztelaniazko indexa lehen paian eta euskarazkoa bigarrenean"... Esanda bezala, norbait banintzelakoan, kolega batek idatzi didala Mexikotik, "Estimado amigo" beste batek Limatik... eta kaka alu bat, ez rankinean eta ez inon.
  
  Kontsolamendua etorri da gero: bi hizkuntzetan egoteagatik izango da seguruenik. Pentsa, Kaixo bilingue bekatorosa 31. dago Cybereuskadiren rankinean, 35.204. munduko zerrendan. Zorionak, Aitor, hik bai fundamentua, Arabako Dulantziko txoko horretan ttapa-ttapa, burrunda asko atera gabe, jo ta fuego lanean, eta horra, 48.530.a den EITBren aurretik. Hik daukak meritua, mutikoa.
  
  O sea, esaten ari nintzena, igoal ez zela sartzen Izorrategi rankin famatuan edukiak euskaraz eta erdaraz eskaintzen dituen tipo susmagarri bat izateagatik, Kaixo bezala. Baina bai zera, goitik behera errepasatu dut Cybereuskadiren rankin guztia eta izorrai, arrastorik ez.
  
  Bigarren aldiz errepasatu dut zerrenda osoa (gustoko lekuan aldaparik ez eta bukaeran sari goxoa agindu zaionean kojoak ere egiten dituela kilometroak) eta... hara, Hernaniko Kronikako bertsolariak ere falta direla. Hauek euskaraz bakarrik ari dituk bada! Kopon, Eli, ba al daukan begiratzea Hernaniko egoskor hauek -bertsolariok eta nik neuk- zein kopuru ematen ditugun Alexan? Eske gainera Explorerretik sartu behar dun hor, noiz eta ni mozolon... barka, Mozzilan bizitzeko konbentzitu nautenean.
  
  Total, Hernaniko Kronikakoak munduko sare zabal eta salbaian 1.964.547. daudela. Asko ala gutxi ote da euskal rankinean? Ea hurrengo kapituluan argitzen duten Cybereuskadikoek, Hernaniko bertsolari eta erreumadunok Jose Maria Iñigo edo Elpesebre.org bezain duin joko gaituztelakoan. Hernaniko Kronikako egoskor hauek Juan Jose Ibarretxeren aurretik datoz, adibidez.
  
  "Eta zu?" galdetuko didate mahaian etxekoek, Sustatuk argitara atera duen ene frakasoaz radio makutoren bidez enteratu direnean, "hainbesteko txapa aguantatzen dizugu egunero, izena asmatzeko ere brain storming gogorrak eginez lagundu genizun eta zertarako hainbeste lan, orain non zaude zerrenda horretan?".
  
  Fuera Alexa, gora Google (zer erremedio!).
  
  Pello.
  

  Erantzun honi

• Fidagarritasunaz

  Jabi Zabala ¦ 2004-06-10 ¦ 17:41

  Bururatu zaizkidan iruzkinak:

  Alexa gehienbat anglofonoek erabiltzen dute eta beste hizkuntzetako jendeak ez hainbeste. Beraz, ez da guztiz fidagarria, soilik "alexaren nabigazio barra erabiltzen dutenen artekoa", corpus gehienbat anglofono.

  Gehien bisitatutako euskara hutsezko webgunea web "baskoen" sailkapenean 56. tokian egotea esanguratsua da, baskoek egiten duten nabigazioa gehienbat erdaretan izan ohi dela erakusten du edo euskaldunok ez dugula Alexaren barra gehiegi erabiltzen (nik neuk ez dut inoiz erabili).

  Nire sarean.com webguneari dagokionez, nahiko ondo geratu da Cybereuskadiren sailkapenean (654. tokian), justu Mayor Orejaren eta PPren webguneen gainetik. Dena dela, sustatuk atera duen euskarazkoen sailkapenean badira batzuk intuizioz goregi ikusten ditudanak. Lehen aipatu duten fidagarritasun faltaren seinale?

  Erantzun honi

• Zerrenda horretan euskara hutsez ez dauden mordoxka bat dago

  M.K. ¦ 2004-06-10 ¦ 17:51

  Alexa ez da fidagarriegia, eta zerrenda hau ere ez zuzenegia. Hor badaude euskara hutsezkoak ez diren mordoxka bat. Gune elebidunak, adibidez Euskaraz.net edo Gipuzkoaeuskara.net. Gune instituzionalak dira bi horiek, adibidez, horiek agertzen badira sailkapenean, Euskadi.net, Gipuzkoa.net edo Bizkaia.net ere gune euskaldun dira.

  Erantzun honi

• Re: Zerrenda horretan euskara hutsez ez dauden mordoxka bat dago

  J F ¦ 2004-06-11 ¦ 08:29

  Ados.
  
  Gainera Sustatu eta Berria ingelesez ere daude eta horregatik ageri dira lehendabizi Cybereuskadin eta Alexan.

  Erantzun honi

• Sustatu ingelesez?

  jon k. ¦ 2004-06-11 ¦ 09:39

  > Gainera Sustatu eta Berria ingelesez ere daude eta horregatik ageri dira lehendabizi Cybereuskadin eta Alexan.
  
  
  Sustatu ingelesez? non? Nola ikusi daiteke?
  
  jon

  Erantzun honi

• Artikulu bat eta haren erantzun-haria ingelesez

  Sustatu ¦ 2004-06-11 ¦ 11:07

  Iaz, Egunkaria itxi ondorengo egunetan, albiste bat kargatu zen ingelesez, eta haren ondorengo erantzun-katea ere osatu genuen ingelesezko aportazioekin.

  Nazioartean ingelesez Egunkariaren itxieraren berri emateko ahalegintxo bat izan zen.

  Inoiz erantzunen batean ingelesez idatzi izan du inork.

  Erantzun honi

• Kontaizu 1048. lekuan

  Ander ¦ 2004-06-20 ¦ 17:02

  1048. lekuan euskarazko webgune bat ageri da, zuei oharkabean pasatu zaizuena: inor gutxik ezagutzen duen kontaizu.net aldizkaria.

  Erantzun honi

• Kontaizu.Net zerrendan gehituta

  Sustatu ¦ 2004-06-21 ¦ 08:50

  > 1048. lekuan euskarazko webgune bat ageri da, zuei oharkabean pasatu zaizuena: inor gutxik ezagutzen duen kontaizu.net aldizkaria.
  
  
  Gehitu dugu zerrendan.
  
  Eskerrik asko zure laguntzagatik.

  Erantzun honi

• Konponduta

  Sustatu ¦ 2004-06-21 ¦ 08:54

  Eskerrik asko. Ander.

  Konponduta, sartu dugu zerrendan Bizkaiko Ikastolen Elkartearen Kontaizu.net aldizkaria.

  Erantzun honi

• Re: Konponduta

  karakola ¦ 2005-04-20 ¦ 15:21

  Ez naz ni oso jaioa internet kontuetan eta baliteke diodan moduan ez izatea. Baina euskara hutsean dagoen EHEren web orria ez dot ez rankinean, ez beste inondik ikusi.
  ehe.euskalerria.org da web-a

  Erantzun honi

• EHEren webgunea

  Sustatu ¦ 2005-04-21 ¦ 08:45

  > euskara hutsean dagoen EHEren web orria ez dot ez rankinean, ez beste inondik ikusi.
  > ehe.euskalerria.org da web-a
  
  
  Zerrenda hau iazkoa da. Orduan ere esan genuen eskuz egindako zerrenda zela, eta beharbada webguneren batek ihes egingo zigula. Eskerrik asko informazioarengatik.

  Erantzun honi

Erantzun artikulu nagusiari

Publizitatea