Militarren presentzia ugaria Euskal Herrian
| Bestelakoak | 2003-11-04 : 16:11
Bi egun hauetan Espainiako armadako kideak dabiltza maniobrak egiten. Atzo, Arabako Asparren eskualdean aritu ziren. Baina, militarren "bisita" ez da eremu horretara bakarrik mugatu.
Ziurtatu daiteke hegazkin edo helikopteroak zarata handiz zeharkatu dituztela hainbat paraje: Elorrio, Elgeta, Besaide, Intxorta, Eibartik Gasteizerako bide tartean, Maltzagatik Elgoibarrera bidean, Osintxun, Legution, Araka inguruan Gainera, bide bazterretan armatutako militarrak izan dira. Eta ez ziharduten auto stop egiten.
Chinook deiturako helikopteroak hegalaldian ibili dira, nahiko baxu. Traste hauek tropak garraiatzeko erabiltzen dira. Asparrengo kasuan, helikopteroetatik jausi egin duten paraxutistak Gordoa herria okupatu zuten. Bitartean, guardia zibilak inguruko bideak kontrolpean zituen.
Goierri aldean ere, hezurretaraino armatuta doazen militarrak herrietatik osteratxoak eman dihardute, esaterako, Ordizian eta Beasainen.
Eta gainera, presentzia misteriotsu eta probokatzaile honen aurrean, Espainiako gobernuak Euskal Autonomia Erkidegoan duen Ordezkaritzak esan du militarrak Alda eta Gordoa herrietan bakarrik dabiltzala praktiketan.
Datozen egunetan ere bide bazterretan segituko ei dute armak eskuetan dituztela, mehatxuzko jarrerarekin
Erantzunak
| 2003-11-04 : 17:10 | #2
Aireportutik gertu bizitzean, ohituak gaude, tamalez, hegazkinen burrundadara, baina gaurkoa nabarmenagoa izan da, beheragotik ari zirelako.
Orain, arrastian, militarrak beraien kamioietan igarotzen ikusi ditugu herritik. Aspaldi ez bezala! Mungiako koartela ere gertu daukagu, 8 bat kilometrotara, baina aspaldian (ejerzitoa profesionaldu zenetik) ez ziguten bisita askorik egiten.
Gaurkoa berriz, igarotze eguna izan da.
Eta beste herrietatik?
| 2003-11-04 : 17:18 | #3
Gara egunkariak dakartza Gipuzkoako Batzar Orokorretako Ezker Batuko ordezkariaren, Jon Lasa Laboaren adierazpenak gaiaren inguruan. Goierriko herri batzuetan dagoen armatutako ejerzitoko kideen presentziak duen "probokazio militarra" salatu du.
Bere hitzetan, "Aznarren Gobernuaren mezua garbia da, euskaldunok erabakiak hartzeko ahalmena izan aurretik, edozer gauza egiteko gai da, herrialdearen okupazio militarra barne. Horrek bere izaera eta demokraziaz duen ideia argi uzten du".
"Probokazio hauen aurrean, euskaldunok elkarrizketarako eta elkar ulertzeko dugun apustua berritu behar dugu, inoren inposizio militarrik gabe, ez ETAren ezta paraxutisten aldetik ere", adierazi du Lasak.
Ezker Batuko kideak zera adierazi du: "guk gogoeta bat egongo dela dugu eta soldaduak kuarteletara itzuliko direla espero dugu. Gauza bat da Perejil irlan ahuntzekin gudetara jolasten dibertitzea, eta beste gauza bat da Euskadiko herrietatik mehatxuzko jarreran paseatzea".
| 2003-11-04 : 17:22 | #4
Oraintxe deitu dit lagun batek esateko:
Hi, Elgeta bedez jositta jaok. San Roke ostian han jabizak ezkutau eta agertu, agertu eta ezkutau. Bialdu erretraturen bat etaratzeko lagunen bat edo. Ze hau ez dok sinistekua be. Helikotero zarata demasa be bajaok.
| 2003-11-04 : 17:30 | #5
> Inork badu bazooka kaseroak fabrikatzeko errezetarik?
Adi, uda honetan Essen-en tipo bat atxilotu dute berak egindako bazooka kasero batekin ibiltzeagatik. Liberation egunkarian irakurritako albistea.
... eta tipoak patatak baino ez zituen botatzen:
"l'homme avait fabriqué lui-même son arme, constituée d'un tuyau de vidange long d'un mètre cinquante relié à une bombe aérosol, dont il enflammait le gaz pour propulser les pommes de terre vers leur cible."
| 2003-11-04 : 17:38 | #6
Argazkia lortzen ere saiatuko gara.
| 2003-11-04 : 18:09 | #7
17:30ak inguruan, berriz, Elorrio gainean pasatu dira hainbat helikoptero, eta batzuek egin dute Oiz aldera, itsas bazterrerantz.
Madrilgo gobernuak begi bistan jarri nahi digu nork agintzen duen hemen, eta zer argumentu dagoen prest erabiltzeko. Justu Ibarretxeren plana abiatzen denean.
| 2003-11-04 : 18:55 | #9
> Elorriotik ere oraintxe deitu dute, Anboto astekariko aldizkarira, San Agustin Etxebarria auzoan lurra hartu berri duela armadako helikopteroak.
Oker ez banago, hortxe dauzka Eroskik bulego nagusiak, ezta? Beharbada Espainiako Armadak errekadu bat eman nahi izan dio Eroskiri, auzi kontuak alde batera utzi eta definitu dadin Ibarretxeren planaren aurrean.
| 2003-11-04 : 19:07 | #10
Beste barik eta sekula baino ozenago, utzi bakean Euskal Herrixa, alde hemendik!!!
| 2003-11-04 : 23:02 | #11
Oraintxe beste tanda bat joan da, txapel okerrez lagunduta, Urgoitiko bidegurutzean.
orain dala ordu bat inguru.
Beraz hortik be joan zaizkizue,
Doazela.
| 2003-11-05 : 08:00 | #12
| 2003-11-05 : 09:08 | #13
zergatik ez zuten zortzi eta erdietako Gaur egun-en edo bederatzietako Teleberrin txuloputzen harroaldiaren berri eman, ezaguna baldin bazuten? ez ote da albiste militar arrotz batzuek herri bat harrapatzea, herritarrak izutzea, bazterrak asaldatzea? babestu nahi gaituzue, albiste desatseginek ez gaitzaten inarros? ez da egokiagoa egia, umiliagarria bada ere, ezagutzea
| 2003-11-05 : 09:14 | #14
> > Chinook deiturako helikopteroak hegalaldian ibili dira, nahiko baxu.
Ez dakizue ezer. Ministerioaren bideo horretan ikusten direnak ez dira Chinook, baizik eta HR/A-15 (Bö-105) modeloak.
Chinook edo CH-47D modelokoak 17 omen ditu Espainiako Armadak eta horiek ere ibili badabiltza Euskal Herrian. Itxura honetakoak dira, bi helizekoak.
| 2003-11-05 : 09:59 | #15
Urteroko kontua da baina ematen du aurten aldi berean tropa gehiago mugitu eta askoz lurralde gehiago hartzen ari direla ere.
Txikiagoak ere bai, bikoteka. Denak ere Arakako base militarrera hurbiltzen ikusi ditugu iluntzetan, lurrartzeko seguruenik.
Eta Gasteiz aldenik alde zeharkatzen ere burrundara ederrean datoz.... goiz partean osteratxo politak egiten.
Legebiltzarraren gain-gainetik, portzierto.
Bidenabar, Beasaingo "hareazko parkean" goardiazibilek umeen aurrean egindako esibizioek duela urte batzu Zaldibian gertaturikoa gogoratzen didate:
Gogoratu "parakak" ikastola aurrean tiro posizioan nola jarri ziren errekreo orduan... a ze delikadeza. Nork agintzen duen erakusten.
Apustu egingo nuke hori CIAren "psi-ops", gerra sikologikorako eskuliburuetan dagoela.
| 2003-11-05 : 11:26 | #16
| 2003-11-05 : 11:40 | #17
Eta gero, itzuli egin behar.
Lasai ez ziren joango, aurretik eta atzetik, guardia zibilen patruilak zeramatzaten eta.
Txorierriak igarotzen kausitu genituen, argi urdinek irekitzen zieten bidea, eta bidegurutzetan guardia zibilak bidea emanez.
Konboi luzea, Mungiarantz. Bideak zabalik, eta auzoak so.
| 2003-11-05 : 14:12 | #18
Geroago 13:30ak aldera helikoptero bikoitz horietako bat pasa da Arrigorriagatik, kristoren zarata egiten.
| 2003-11-05 : 14:21 | #19
Zergatik bataiatu "chinook" edo "apache" herrialde errugabeak inbaditu eta izorratzeko erabiltzen dituzten helikopteroak?
Zergatik "tomahawk" milaka jende sarraskitzeko erabiltzen den misila?
Indiarrek lurra eta naturarekiko harmonia maite zituzten. Etsai inbaditzaileei aurre egitea, horixe euren bekatu larria.
Baina mesedez, arma bataioan hasi ezkero hauta ditzatela beste honako izenok, aukera-aukeran askotxo dute eta:
"Halloween, Bigmac, Thanksgiving, Whitehouse, Santaclaus, Hollywood"...
| 2003-11-05 : 15:45 | #20
Helikopteroek alde egin ondoren, soldaduak herri aldera abiatu dira. Beraz, arratsaldean berriro izango ditugu helikopteroak hemen, soldaduok jasotzera.
| 2003-11-05 : 16:33 | #21
ARALAR alderdiak Espainiako ejerzitoa Euskal Herriko herri eta hirietan egiten ari den maniobrak salatu nahi ditu. Alderdi honek erabat onartetzintzat eta mehatxatzailetzat jotzen du Espainiako ejerzitoaren presentzia. Aralarren webgunean atera dugu berria: www.aralar.net
| 2003-11-05 : 17:09 | #22
| 2003-11-05 : 18:16 | #23
Kakitzat, KEM, herrietako intsumitu talde andana...bada aitzakia franko berriro ere lanean jarduteko!
Hori bai, kritika gogor bat hemendik: pikoletoek eta gainerako koloretako poliziek egunero-egunero jartzen dituzte kontrolak Euskal Herria osoan, eta orain arte ez da halako asaldatzerik ikusten. Kontrolak pasa beharko ditugula aurreikusi behar dugu bideetan ibiltzen garenok, hitzorduetara garaiz iristeko. Esan gabe doa gertatzen diren beldurrezko egoerak, harrokeriak, irainak eta abar latzak izaten direla.
| 2003-11-05 : 18:27 | #24
Gero iluntasunean galdu dira. Baina benetan guztiz galduko balira askoz be hobeto.
| 2003-11-05 : 19:44 | #25
> > Elorriotik ere oraintxe deitu dute, Anboto astekariko aldizkarira, San Agustin Etxebarria auzoan lurra hartu berri duela armadako helikopteroak.
>
> Oker ez banago, hortxe dauzka Eroskik bulego nagusiak, ezta? Beharbada Espainiako Armadak errekadu bat eman nahi izan dio Eroskiri, "auzi kontuak":http://www.sustatu.com/1067897119 alde batera utzi eta definitu dadin Ibarretxeren planaren aurrean.
| 2003-11-06 : 01:34 | #26
>
> Gero iluntasunean galdu dira. Baina benetan guztiz galduko balira askoz be hobeto.
>
>
Igorreko udaleko alderdiek (EAJ, Igorre Ezkerretik plataforma eta EA) Igorre Ezkerretik plataformaren proposamena onartu eta testu bateratua atara daurie, Espainiar indar militarren maniobrak direla eta.
Zera diño:
Igorreko Udala osatzen dugun alderdiok gure haserre eta gaitzespenik tinkoena erakutsi nahi dugu, Espainiako Indar militarrek gure herrian erakutsi duten jarreraren aurrean.
Udalean inongo abisurik eman gabe, indar eta arma erakusketa jasan ezina egin dute egun osoan zehar: helikoptero, kamioiak,... Modu berean, oinezko armadun soldaduak herritik ibili dira igorreztarron artean, bildurra eta urduritasuna hedatuz.
Gure herriak aspaldi esan zion ezetz ejerzito espainiarrari eta gaur ere, ezetz esaten diogu, mina eta sufrimendua baino ez dutelako ekarri.
Ez ditugu nahi, ez ditugu behar!
Alde hemendik!
| 2003-11-06 : 17:04 | #27
| 2003-11-06 : 20:37 | #28
| 2003-11-06 : 22:16 | #29
| 2003-11-07 : 00:02 | #30
| 2004-03-05 : 01:18 | #31
zergatik euskal herrian?
hauteskunde nagusietatik hain gertu izateak arrazoi berezirik ba al du?
zein indartsuak diren jakinarazi nahi al digute?
ikaratzearren? nork agintzen duen erakustearren?
orain gainera PP erabateko gehiengoa lortzear dagoela diote estatistikek...
PP erabateko agintean eta militarrak euskal herrian... beste garai batzu datorzkit burura.
honen aurka hauteskundeetan zerbait egin daitekela iruditzen al zaizue?
hain urrun egonik ez da erraza egoeraren ideia zehatza egitea... beraz barka zerbait oker esaten badut.
cheers ;)
Koxka | 2003-11-04 : 17:09 | #1
Hau da hau inpotentzia, umea ere beldurtu dute zaratarekin, eta ezin ezer egin!
Inork badu bazooka kaseroak fabrikatzeko errezetarik?
Lide