Militarren presentzia ugaria Euskal Herrian

#1. Militar aluak

Koxka ¦ 2003-11-04 ¦ 17:09

Nazkagarri horiek goiz osoa gure etxe gainean bueltaka ibili dira, ehundoko zarata ateratzen eta ganadu guztia izutzen. Baina ez da gaurko kontua, joan den astean ere Markina gainean ibili ziren eta herritik oso hurbil hartu zuten lur.

Hau da hau inpotentzia, umea ere beldurtu dute zaratarekin, eta ezin ezer egin!

Inork badu bazooka kaseroak fabrikatzeko errezetarik?

Lide

#2. bazooka kaseroak...

Gorila ¦ 2003-11-04 ¦ 17:30

> Inork badu bazooka kaseroak fabrikatzeko errezetarik?

Adi, uda honetan Essen-en tipo bat atxilotu dute berak egindako bazooka kasero batekin ibiltzeagatik. Liberation egunkarian irakurritako albistea.

... eta tipoak patatak baino ez zituen botatzen:

"l'homme avait fabriqué lui-même son arme, constituée d'un tuyau de vidange long d'un mètre cinquante relié à une bombe aérosol, dont il enflammait le gaz pour propulser les pommes de terre vers leur cible."

#3. Larrabetzutik aspaldi ez bezala

patxi gaztelumendi ¦ 2003-11-04 ¦ 17:10

Goizean, gure gainean igarri ditugu.
Aireportutik gertu bizitzean, ohituak gaude, tamalez, hegazkinen burrundadara, baina gaurkoa nabarmenagoa izan da, beheragotik ari zirelako.

Orain, arrastian, militarrak beraien kamioietan igarotzen ikusi ditugu herritik. Aspaldi ez bezala! Mungiako koartela ere gertu daukagu, 8 bat kilometrotara, baina aspaldian (ejerzitoa profesionaldu zenetik) ez ziguten bisita askorik egiten.

Gaurkoa berriz, igarotze eguna izan da.

Eta beste herrietatik?

#4. Gauez ere bai

Ibai zabal ¦ 2003-11-04 ¦ 23:02

Gasteizetik ei datoz.
Oraintxe beste tanda bat joan da, txapel okerrez lagunduta, Urgoitiko bidegurutzean.
orain dala ordu bat inguru.
Beraz hortik be joan zaizkizue,
Doazela.

#5. Konboi luzea gauez

patxi gaztelumendi ¦ 2003-11-05 ¦ 11:40

Maniobra egiten eman zuten eguna hemen eta han.
Eta gero, itzuli egin behar.

Lasai ez ziren joango, aurretik eta atzetik, guardia zibilen patruilak zeramatzaten eta.

Txorierriak igarotzen kausitu genituen, argi urdinek irekitzen zieten bidea, eta bidegurutzetan guardia zibilak bidea emanez.

Konboi luzea, Mungiarantz. Bideak zabalik, eta auzoak so.

#6. Joan Lasa Laboaren adierazpenak

sustatu ¦ 2003-11-04 ¦ 17:18

Gara egunkariak dakartza Gipuzkoako Batzar Orokorretako Ezker Batuko ordezkariaren, Jon Lasa Laboaren adierazpenak gaiaren inguruan. Goierriko herri batzuetan dagoen armatutako ejerzitoko kideen presentziak duen "probokazio militarra" salatu du.

Bere hitzetan, "Aznarren Gobernuaren mezua garbia da, euskaldunok erabakiak hartzeko ahalmena izan aurretik, edozer gauza egiteko gai da, herrialdearen okupazio militarra barne. Horrek bere izaera eta demokraziaz duen ideia argi uzten du".

"Probokazio hauen aurrean, euskaldunok elkarrizketarako eta elkar ulertzeko dugun apustua berritu behar dugu, inoren inposizio militarrik gabe, ez ETAren ezta paraxutisten aldetik ere", adierazi du Lasak.

Ezker Batuko kideak zera adierazi du: "guk gogoeta bat egongo dela dugu eta soldaduak kuarteletara itzuliko direla espero dugu. Gauza bat da Perejil irlan ahuntzekin gudetara jolasten dibertitzea, eta beste gauza bat da Euskadiko herrietatik mehatxuzko jarreran paseatzea".

#7. "Berdez jositta"

Iban Arantzabal ¦ 2003-11-04 ¦ 17:22

Oraintxe deitu dit lagun batek esateko:

Hi, Elgeta bedez jositta jaok. San Roke ostian han jabizak ezkutau eta agertu, agertu eta ezkutau. Bialdu erretraturen bat etaratzeko lagunen bat edo. Ze hau ez dok sinistekua be. Helikotero zarata demasa be bajaok.

#8. Elorrioko San Agustinen ere lurra hartu dute

Anboto astekaria ¦ 2003-11-04 ¦ 17:38

Elorriotik ere oraintxe deitu dute, Anboto astekariko aldizkarira, San Agustin Etxebarria auzoan lurra hartu berri duela armadako helikopteroak.
Argazkia lortzen ere saiatuko gara.

#9. Eroskiri kili-kili egiten

Nemo ¦ 2003-11-04 ¦ 18:55

> Elorriotik ere oraintxe deitu dute, Anboto astekariko aldizkarira, San Agustin Etxebarria auzoan lurra hartu berri duela armadako helikopteroak.

Oker ez banago, hortxe dauzka Eroskik bulego nagusiak, ezta? Beharbada Espainiako Armadak errekadu bat eman nahi izan dio Eroskiri, auzi kontuak alde batera utzi eta definitu dadin Ibarretxeren planaren aurrean.

#10. Zarauzko Eroskin erosketetan edo...

Txaparro aldizkaria ¦ 2003-11-05 ¦ 19:44

Zarautzen guar goizean ibili dira. Lasai asko herrira oinez sartu eta Alde Zaharreko Eroski txikian eta ondoko okindegian egin dituzte erosketak; zakukada ogi behintzat erosi dute. Dozena erdi bat militar ibili dira. Arratsaldean helikopteroa ere Zarautz aldean ibili da, nahiko behean.

> > Elorriotik ere oraintxe deitu dute, Anboto astekariko aldizkarira, San Agustin Etxebarria auzoan lurra hartu berri duela armadako helikopteroak.
>
> Oker ez banago, hortxe dauzka Eroskik bulego nagusiak, ezta? Beharbada Espainiako Armadak errekadu bat eman nahi izan dio Eroskiri, "auzi kontuak":http://www.sustatu.com/1067897119 alde batera utzi eta definitu dadin Ibarretxeren planaren aurrean.

#11. Kanpazarren, bide bazterrean

Joxe Aranzabal ¦ 2003-11-04 ¦ 18:09

Arratsaldeko 15:00ak aldera Kanpazar gaina pasatu dut (Arrasate eta Elorrio artean), eta Elgetarako bidea hartzen den tokian, soldadu bat ikusi dut, txapela jantzita eta fusila esku artean.

17:30ak inguruan, berriz, Elorrio gainean pasatu dira hainbat helikoptero, eta batzuek egin dute Oiz aldera, itsas bazterrerantz.

Madrilgo gobernuak begi bistan jarri nahi digu nork agintzen duen hemen, eta zer argumentu dagoen prest erabiltzeko. Justu Ibarretxeren plana abiatzen denean.

#12. Goizean ikusi ditut Lakua ganetik

Ibaizabal ¦ 2003-11-04 ¦ 18:16

Euskal Herrietako zeru lasaietan durundue sortzen.
Doazela.

#13. Utzi bakean, alde hemendik!!

Mendotz ¦ 2003-11-04 ¦ 19:07

Soraluzetik ere pasa dira helikopteruak!! bailara estua dala baina ederki kabitzen dittuk horrek!!

Beste barik eta sekula baino ozenago, utzi bakean Euskal Herrixa, alde hemendik!!!

#14. eskerrak sustaturi

markos zapiain ¦ 2003-11-05 ¦ 09:08

eskerrak Sustaturi, bestela ez genuke ezer jakingo indar okupatzaileen erakustaldiaz

zergatik ez zuten zortzi eta erdietako Gaur egun-en edo bederatzietako Teleberrin txuloputzen harroaldiaren berri eman, ezaguna baldin bazuten? ez ote da albiste militar arrotz batzuek herri bat harrapatzea, herritarrak izutzea, bazterrak asaldatzea? babestu nahi gaituzue, albiste desatseginek ez gaitzaten inarros? ez da egokiagoa egia, umiliagarria bada ere, ezagutzea

#15. Bilbo gainetik ere bai

Aita Larramendi ¦ 2003-11-05 ¦ 08:00

Atzo goizeko hamarretan, Bilbo erdi-erditik igaro zen helize biko helikoptero erraldoi horietako bat eta ondoren chinook horietako bost. Hori nire begiekin ikusita, baina esan didatenez, herenegun ere igaro ziren Bilbo gainetik. Eztabaidatzen egon ginen ez ote dagoen lege bat biztanlego nukleoen gainean hegaz igarotzea galarazten diena. Ez dakit.

#16. HR/A-15 eta CH-47D Chinook

Alferez Felipe ¦ 2003-11-05 ¦ 09:14

> > Chinook deiturako helikopteroak hegalaldian ibili dira, nahiko baxu.

Ez dakizue ezer. Ministerioaren bideo horretan ikusten direnak ez dira Chinook, baizik eta HR/A-15 (Bö-105) modeloak.

Chinook edo CH-47D modelokoak 17 omen ditu Espainiako Armadak eta horiek ere ibili badabiltza Euskal Herrian. Itxura honetakoak dira, bi helizekoak.

#17. Arakan, Zuian, Gasteizen...

axmax ¦ 2003-11-05 ¦ 09:59

Zuiako gure etxe gainetik oso-oso baxu pasatzen ari dira "Txinook"; beste batzuei "balea hegalariak" entzun diet... bada, guk sabela detailean ikusten diegu.

Urteroko kontua da baina ematen du aurten aldi berean tropa gehiago mugitu eta askoz lurralde gehiago hartzen ari direla ere.



Txikiagoak ere bai, bikoteka. Denak ere Arakako base militarrera hurbiltzen ikusi ditugu iluntzetan, lurrartzeko seguruenik.

Eta Gasteiz aldenik alde zeharkatzen ere burrundara ederrean datoz.... goiz partean osteratxo politak egiten.

Legebiltzarraren gain-gainetik, portzierto.


Bidenabar, Beasaingo "hareazko parkean" goardiazibilek umeen aurrean egindako esibizioek duela urte batzu Zaldibian gertaturikoa gogoratzen didate:

Gogoratu "parakak" ikastola aurrean tiro posizioan nola jarri ziren errekreo orduan... a ze delikadeza. Nork agintzen duen erakusten.

Apustu egingo nuke hori CIAren "psi-ops", gerra sikologikorako eskuliburuetan dagoela.

#18. Artibai ibarrean ere bai

Xaz ¦ 2003-11-05 ¦ 11:26

Atzo trabakuatik markinara bitartean mugimendu handia ikusi omen zen. Gaur bertan, Berriatuan mugimendu handi (helize zarata handia) somatu ostean Berriatua eta Ondarroa arteko bide ertzean ikusi omen dute kuadrila handi bat.

#19. indiarren izenak...!!?? azal gogorra

totanka yotanka ¦ 2003-11-05 ¦ 14:21

Armagintzak bere infernuko asmazioei jartzen dizkien izenei erreparatuta, protesta egin beharra dago amerikan yankiek sarraskitutako oglala, navajo, ute, mohawk... nazioen izenean.

Zergatik bataiatu "chinook" edo "apache" herrialde errugabeak inbaditu eta izorratzeko erabiltzen dituzten helikopteroak?

Zergatik "tomahawk" milaka jende sarraskitzeko erabiltzen den misila?

Indiarrek lurra eta naturarekiko harmonia maite zituzten. Etsai inbaditzaileei aurre egitea, horixe euren bekatu larria.

Baina mesedez, arma bataioan hasi ezkero hauta ditzatela beste honako izenok, aukera-aukeran askotxo dute eta:

"Halloween, Bigmac, Thanksgiving, Whitehouse, Santaclaus, Hollywood"...

#20. Bilbo inguruan

arrigo ¦ 2003-11-05 ¦ 14:12

Gaur goizeko 11:30ean, Bilbondotik, Basauri eta Arrigorriaga artetik igarotzen ikusi ditugu hiru bat helikoptero, nahiko baxu eta gerra pelikuletan moduan hirurak batera...

Geroago 13:30ak aldera helikoptero bikoitz horietako bat pasa da Arrigorriagatik, kristoren zarata egiten.

#21. Apocalypse now

Joxe Aranzabal ¦ 2003-11-05 ¦ 15:45

Atzo bezala gaur eguerdian ere, hainbat helikoptero jaitsi dira Eroski aurreko zelaira, Elorrion, eta soldadu mordoa aterarazi. Baten batek bideoan hartu ditu irudiak eta ETBk eman ditu bazkalosteko albistegian.

Helikopteroek alde egin ondoren, soldaduak herri aldera abiatu dira. Beraz, arratsaldean berriro izango ditugu helikopteroak hemen, soldaduok jasotzera.

#22. ARALAR alderdiak Espainiako ejerzitoaren maniobrak salatzen ditu

Aralar ¦ 2003-11-05 ¦ 16:33

ARALAR alderdiak Espainiako ejerzitoa Euskal Herriko herri eta hirietan egiten ari den maniobrak salatu nahi ditu. Alderdi honek erabat onartetzintzat eta mehatxatzailetzat jotzen du Espainiako ejerzitoaren presentzia. Aralarren webgunean atera dugu berria: www.aralar.net

#23. Oraintxe bertan pasa dira bi MacDonalds ondarru gainetik

zax ¦ 2003-11-05 ¦ 17:09

elize bakarreko bi MacDonalds para dira oraintxe bertan Ondarru gainetik. Ez dut gehiago ikusterik izan baina urrutira elize zarata gehiago ere entzuten da.

#24. txortak, txapelokerrak, sardinzarrak...ospa!

zakarias aiztierdi ¦ 2003-11-05 ¦ 18:16

intsumitu guztiok (eta herri osoak) martxan jarri beharko genuke berriro ere eta zapaltzaile hauei aurre egiteko ekimenak abian jarri: bideetan aurrez aurre jarri, pankarta eskutan, ez ditugula nahi, ez ditugula behar adieraziz.

Kakitzat, KEM, herrietako intsumitu talde andana...bada aitzakia franko berriro ere lanean jarduteko!

Hori bai, kritika gogor bat hemendik: pikoletoek eta gainerako koloretako poliziek egunero-egunero jartzen dituzte kontrolak Euskal Herria osoan, eta orain arte ez da halako asaldatzerik ikusten. Kontrolak pasa beharko ditugula aurreikusi behar dugu bideetan ibiltzen garenok, hitzorduetara garaiz iristeko. Esan gabe doa gertatzen diren beldurrezko egoerak, harrokeriak, irainak eta abar latzak izaten direla.

#25. Alde hemendik!!!!

Ugarte ¦ 2003-11-05 ¦ 18:27

Ba Arratian oraintxe arte izan dira. Dima- inguruetatik etorri dira eta Igorreko futbol zelaiaren inguruan, errekaren beste aldetik buelta pare bat emonda.

Gero iluntasunean galdu dira. Baina benetan guztiz galduko balira askoz be hobeto.

#26. doazela euren etxera

Arratia ¦ 2003-11-06 ¦ 01:34

> Ba Arratian oraintxe arte izan dira. Dima- inguruetatik etorri dira eta Igorreko futbol zelaiaren inguruan, errekaren beste aldetik buelta pare bat emonda.
>
> Gero iluntasunean galdu dira. Baina benetan guztiz galduko balira askoz be hobeto.
>
>
Igorreko udaleko alderdiek (EAJ, Igorre Ezkerretik plataforma eta EA) Igorre Ezkerretik plataformaren proposamena onartu eta testu bateratua atara daurie, Espainiar indar militarren maniobrak direla eta.

Zera diño:

Igorreko Udala osatzen dugun alderdiok gure haserre eta gaitzespenik tinkoena erakutsi nahi dugu, Espainiako Indar militarrek gure herrian erakutsi duten jarreraren aurrean.
Udalean inongo abisurik eman gabe, indar eta arma erakusketa jasan ezina egin dute egun osoan zehar: helikoptero, kamioiak,... Modu berean, oinezko armadun soldaduak herritik ibili dira igorreztarron artean, bildurra eta urduritasuna hedatuz.
Gure herriak aspaldi esan zion ezetz ejerzito espainiarrari eta gaur ere, ezetz esaten diogu, mina eta sufrimendua baino ez dutelako ekarri.
Ez ditugu nahi, ez ditugu behar!
Alde hemendik!

#27. Kontzentrazioa zapatuan

Igorre ¦ 2003-11-06 ¦ 17:04

Igorren, militarren maniobran kontrako konzentrazinoa eingo da zapatu iluntzean, 19:00etan Beheko Plazan, "Alde hemendik!" lemagaz. Deiatzaileak: Igorreko EA eta EAJ eta Igorre Ezkerretik plataforma.

#28. Bermiotik be

Txo ¦ 2003-11-06 ¦ 20:37

Ba gaur Bermiotik be pasa dira helikopteroz; eta entzun dudanez Bakion aterrizatu dabe eta gero autobus geltokira joan dira jendea akojonatzearren edo.Argi dago españolak urduri daudela...

#29. Arratian ere bai. Igorren

Lukas ¦ 2003-11-06 ¦ 22:16

Atzo goizez, lagun batzuk kalean geundela igaro ziren gure ondotik. Zortzi bat tipo Ramboren itsurak egiten. Jendea berera zebilen, gutako batzuk izan ezik, besteak begiratu ere ez zieten egin. Surrealismo totala. Gauza serioa ez balitz, barreka handitako modukoa.

#30. Konzentrazinoa Igorren

doazela euren etxera ¦ 2003-11-07 ¦ 00:02

Lukasek diñon moduen ezta barre eitekoa ez horregaitik igorreztarrok hortik goitik beste batek esan dauan moduan zapatuan iluntzeko 7etan militarren eraso honen kontra egiteko aukera itzela daukogu, udaleko alderdi guztiak deituta, ie danok eta kolore guztietakoak agertuten garean beko plazan. Alde hemendik!

#31. londondik galderak?

ontto ¦ 2004-03-05 ¦ 01:18

zertara dator hau dena?
zergatik euskal herrian?
hauteskunde nagusietatik hain gertu izateak arrazoi berezirik ba al du?
zein indartsuak diren jakinarazi nahi al digute?
ikaratzearren? nork agintzen duen erakustearren?

orain gainera PP erabateko gehiengoa lortzear dagoela diote estatistikek...
PP erabateko agintean eta militarrak euskal herrian... beste garai batzu datorzkit burura.

honen aurka hauteskundeetan zerbait egin daitekela iruditzen al zaizue?

hain urrun egonik ez da erraza egoeraren ideia zehatza egitea... beraz barka zerbait oker esaten badut.
cheers ;)