Blogometroa: weblog-en gaineko azterketa

Sustatu - sustatu ¦ 2003-06-12 ¦ 13:18 ¦ Internet

Bitakoren arteko loturak aztertu dituzte Fernando Tricas eta Juan Mulian Merelok. Vienan aurkeztu dituzte Estatua aztertze eremu izan duen lanaren emaitzak. Euskarazkoak ere aztertzen dituzte Blogometroan.

Publizitatea

Azterketaren egileak

Tricas Zaragozako Unibertsitateko informatika departamentukoa da. Merelo, berriz, Granadako Unibertsitateko arkitektura eta ordenagailuan teknologian aritzen da. Hirugarren bat ere izan dute lagun ikerketa honetan: Victor Ruiz, Blogaliaren sortzailea. Blogalian batzen dira bitakora pila bat.

Blogometroa

Hauek hirurak dira Blogometroaren sortzaileak. Blogometroaren bidez Estatu espainiarreko 2.400 bitakora aztertzen dira. Horrekin, lotura gehien dituen albisteen batura egiten da eta beraiek blogosfera deitzen diote. Aparailu honek gauero egiten du bilaketa bat eta ranking-a ematen du.

Atera dituzten ondorio batzuk:

Weblogetan apenas dago mugimendurik asteburuetan.
Astelehenetan egoten dira lotura gehien. Gero ostegun eta ostiraletan.
Blogger gehienak periferian bizi dira. hau da, ez Madrilen eta ez Bartzelonan.
Arrakasta duen bitakora batek egunean 1000 bisita izan ditzakeela dio. Eta Tricas-ek aitortzen du bereak 300 jasotzen dituela egunero.
Estatuan, Euskaraz, katalanez, espainolez eta galegoz, lau hizkuntzak batuta 2.400 bitakora daudela diote.
Espainolez idazten diren blogak 7.000 omen dira eta ingelesez, berriz, 204.000 inguru omen daude. Portugeses 42.000 eta polonieraz 37.000.

Euskal Herriko bat ere izan da hizlari lanetan

Hauek denak Tricas-ek Vienan azaldu zituen, baina Nafarroako Jose Luis Orihuelak ere egin zuen hitzaldi bat. Gaia: Teknologia berriek duten eragina medio tradizionalengan.

Hauek guztiak CiberPais-eko gaurko egunkarian dakartza eta handik jaso ditugu.