Itzuli orri nagusira Bidali hau

Egunkaria, Google-ko bilatuenen artean

© cc-by-sa  Sustatu ¦ 2003-02-28 ¦ 07:32 ¦ egunkaria-libre

Google Zeitgeist zerbitzu harrigarrian Google-n zein termino bilatzen diren aztertzen dute asterik aste. Joan den astean, Egunkaria ageri da bilatuenen artean, zortzigarren postuan. Ez da zehazki 8. berba bilatuena izan dela, baizik eta termino-ranking-ean bilaketa kopuruan gorakada handieena izan dutenen artean dagoela.

(Azken ordua 8:00) Gaur Egunkariaren auzia gertutik jarraituko dugu, Itxieraren bista gaur baitago eta horren kontra helegiteak aurkeztuko dira. Txema Auzmendik ere (Jesuita) konfidantzanzko abokatuarekin deklaratzen egongo da ofiziozkoari uko egin eta gero. Animatuta omen dago eta tratu txarrik jaso gabe.

Lizaso bertsolariakk atzoko Andoaingo omenaldian esan zuen moduan, "ateak itxita eta prezintatuta egon arren, esperantzaren leihoak zabalik daude."

Malores Etxeberriak beste 10 minutuko bi bisita izango ditu gaur Pello Zubiria ikusteko.

Publizitatea

Horra, Google Zeitgeist zerbitzuaren azken txostena. Hortxe dago Egunkaria bai, Grammy sarien eta Norah Jones kantariaren atzetik...

Ez da lehen aldia euskara agertzen dela Google-ko bilaketetako gorakada handietan. Iazko irailean Batasuna azaldu zen, abuztu amaiera eta irail hasierako bilaketetan 6. terminoa izan zelako, Garzonen ilegalizazio aginduaren harira.

Erantzunak

#1. Egunkariari buruzko orria ZNet-en

ana morales ¦ 2003-02-28 ¦ 07:42

Jarri dute, azkenean, Igor Leturiak eta Luistxok prestatutako orria, Egunkariaren itxiera salatzen duena. Azkenean kasu egin dute!

Hemendik sartu.

#2. Blog pertsonal interesgarri bat

Luistxo ¦ 2003-02-28 ¦ 10:50

Ondo. Ez du Z Magazine-koen oihartzuna izango, baina euskal-amerikar baten blog pertsonal bikoitza aurkitu dut. Alex Egia du izena ziber-idazle honek.

Egunkariaren itxiera gertatu denetik, ingelesez dihardu materiala sartzen. Gogoeta interesgarriak direla uste dut.

#3. Google-n Egunkaria bilatuta zer aurkitzen den

Luistxo ¦ 2003-02-28 ¦ 07:44

Edozein modutan, Google-n Egunkaria bilatu eta oraindik bilaketa nagusiak link irrelebante samarrak ematen ditu.
http://www.google.com/search?q=egunkaria
salbu eta 9. postuko alemanezko bat, eta azkena, Sustatu-ko helbide
egoki bat.

Hori bai, ingelesezko bilaketa oso ona da, bi lehenak salbu:
http://www.google.com/search?q=egunkaria&lr=lang_en

Beste hizkuntza batzuetan, emaitza mistoak:
http://www.google.com/search?q=egunkaria&lr=lang_de
http://www.google.com/search?q=egunkaria&lr=lang_es
http://www.google.com/search?q=egunkaria&lr=lang_fr

Beste termino batzuen bilaketan, emaitzak erabat argiak dira.
Adibide bat besterik ez:
http://www.google.com/search?q=pello+zubiria
Gure salaketa, hainbat hizkuntzatan egoki agertzen da.

#4. Ziber-inkestak eta ziber-sinaketa

Luistxo ¦ 2003-02-28 ¦ 07:49

Ziber-inkestetan. El Pais'en irabazi duzue horretan gusto hartzen duzuenok :-) (niri ez didate graziarik egiten gauza horiek). Vilaweb-en ez zegoen borrokarako deiaren beharrik, katalanek egin dute gure aldez.
EL Pais
Vilaweb

Bestalde, Petition Online delakoaren ildotik, gaztelaniaz halako bat
sortu da: http://www.vientosur.info/solidaridades/egunkaria/
Sinadura bilketa online, Egunkariaren alde. Periko Ibarra eta Joxerra Gartzia EHUko irakasleak izan ziren sinatzen lehenak. Gero, beste 2000 lagun edo hola animatu gara.

Baina ingelesezko bat ere ondo legoke. Inor animatzen bada, hor dauka Petition Online, ireki dezala eskabide bat, eta abisatu dezala.

#5. Beste bilatzaileetan, arrastorik ere ez

Aitita Makurra ¦ 2003-02-28 ¦ 10:44

Googlen bai, baina gainerako bilatzaileetan ez da Egunkariaren arrastorik ere agertzen. Hori garbi ikusten da Yahoo! eta Licos bilatzaileen asteroko txostenetan.

Argi dago, beraz, bilatzaile handien artean Google dela zaindu beharrekoa. Hobeto ispilatzen ditu euskaldunon kezkak.

Erantzun (klik zabaltzeko)

Publizitatea

Egunkaria Libre!

Euskaldunon Egunkariaren kasuko lehen epaiketa abenduaren 15ean hasiko da Madrilen, Entzutegi Nazionalean. Epaiketa hasi bitartean kasuari buruzko argipenak agertuko dira hemen, eta behin hasita, jarraipena egiten saiatuko gara.

Kasuko FAQ edo galdetegia.

 

 Nabigatu euskaraz