#1. Atxagari, errespetu eta zintzotasun osoz

Gontzal Gomez Iturripea ¦ 2003-02-26 ¦ 16:54

Ondo ulertu badot, nahiko derrotista azaltzen zaigu gure Bernardok; gogora ekarri gura nuke hainbestetan bere laguntza eskaini dion EB/IU ez duela gauza handiegirik egin euskal kulturaren alde, euskarak eta Euskal Herriak jasaten ari diren erasoen kontra, torturaren aurrean,... garaia da bai, hainbeste politikari "fariseo" ez dira beharrezkoak.

Gontzal

#2. Non dago autoa?

Autorik ¦ 2003-02-26 ¦ 18:41

Atxagarena, xapo! ohi duen legez.

Baina egunotan autoa gora, autoa behera... Zergatik ez da argitara ematen komunikabideetan?

Gara.net-en elkartasun orrian besterik ez dut aurkitu txostena.

Zerbait al dute ezkutatzeko besteek?

#3. Non dago autoa?

Autorik bai? ¦ 2003-02-26 ¦ 18:42

Atxagarena, xapo! ohi duen legez.

Baina egunotan autoa gora, autoa behera... Zergatik ez da argitara ematen komunikabideetan?

Gara.net-en elkartasun orrian besterik ez dut aurkitu txostena.

Zerbait al dute ezkutatzeko besteek?

#4. Bultzada ere ote?

Karrax ¦ 2003-02-27 ¦ 12:33

Bernardoren ezkortasun erabat ulergarriari idei xume bat gehitu gura nioke, akaso inozoegia, akaso okerra, baina aurrera egiteko adorean oinarriturik beti ere: estatu jazarle honen azken atzaparkada anker hau... bultzada ere ez ote da izango, bere itzal atsitu eta itogarriaren magaletik alderatzeko? "Gizarte amorratu bezain adimentsu baten arnas-grina boltsa batez itotzen saiatzea akats larria da, Miguel Angel "Aldrebes" ministro jauna."

#5. Zergatik geratu gara bakarrik?

Joxe Aranzabal ¦ 2003-02-26 ¦ 17:11

Benetan ederra Atxagaren artikulua eta, betiko legez, zer pentsatua ematen duten horietakoa. Guztiz bat nator berarekin, baina aukera aprobetxatu nahiko nuke haritik tiraka egiteko.

Jende asko mobilizatu da Egunkariaren alde egunotan. Baina nabarmena izan da, oso, nola askok beste alde batera begiratu duten, ezikusiarena eginez, Egunkariaren inguruan bidegabekeriarik egin izan ez balitz bezala.

Eta neure buruari galdetu diot behin eta berriro zergatik egiten duten beste aldera, zeren horietako guztiak ez baitira fanatikoak. Eta erantzun bat aurkitu uste dut, erantzun bat, izugarri kezkatzen nauena.

Uste dut orain ezikusiarena egiten duten horietako asko zapuztuta daudela euskalgintzan gabiltzan askorekin, gure babesa behar izan dutenean, gu beste inora begira jarri garelako, ez dugulako argi eta ozen aldarrikatu hemen eta bakean bizi izateko duten eskubidea eta ez ditugulako gaitzetsi jasan dituzten erasoak eta hilketak. Hitz batean esateko, ez ditugulako behar beste babestu.

Zurtz utzi genituen eta, ordainetan, bakarrik utzi gaituzte. Konturatu garenerako, amildegi bat egin da gure artean, zulo ikaragarri bat. Eta horrela nekez aterako dugu euskal kultura aurrera, zer esanik ez herri hau.

Bai, beharbada 2003ko otsailaren 20an aldi, denbora eta garai baten bukaera izan da gure artean. Gerora begira hausnarketa egin beharko dugu eta egiteko modu berriak landu, non ikusmolde desberdinetako jendeak elkarren errespetuan eta elkar hartuta egiten duen aitzina.

#6. Amildegia

Euskaltzale kezkatu bat ¦ 2003-02-26 ¦ 18:05

> Uste dut orain ezikusiarena egiten duten
> horietako asko zapuztuta daudela euskalgintzan
> gabiltzan askorekin, gure babesa behar izan
> dutenean, gu beste inora begira jarri garelako,
> ez dugulako argi eta ozen aldarrikatu hemen eta
> bakean bizi izateko duten eskubidea eta ez
> ditugulako gaitzetsi jasan dituzten erasoak eta
> hilketak. Hitz batean esateko, ez ditugulako
> behar beste babestu.

Zurekin ados nago. Euskararen munduak, orokorrean ez du jakin Egunkariari gertatu zaion bezalako bidegabekeriak egoki salatzen, askotan beste aldera begiratu izan du. Maiz, euskaltzaleen batasuna ez apurtzeak pisu gehiago izan du, eta asko eta asko babesik gabe sentitu dira.

> Zurtz utzi genituen eta, ordainetan, bakarrik utzi
> gaituzte. Konturatu garenerako, amildegi bat
> egin da gure artean, zulo ikaragarri bat. Eta
> horrela nekez aterako dugu euskal kultura
> aurrera, zer esanik ez herri hau.

Amildegi hori gaur egun existitzen da, hori ezin uka daiteke. Ziur nago bazegoela jende asko atxilotuen lanari buruz ezertxo ere ez zekiena, eta normala da hau horrela izanik edozein gezur sinistea atxilotuei buruz, batez ere zenbaitzuk ETArekin lotzen badituzte.

Agian, momentu ona da guzti hau bukatzen denean gogoeta egiteko, euskara gure gizarteko beste eremu batzuetara zabaltzeko zer egin dezakegun aztertzeko. Egunkariari egindako bezalako erasoak gizartearen gehiengoak propio bezala sentitzeko, alegia. Baina horretarako, besteak ulertzen saiatu behar dugu. Baita beraiek ere gurera hurbiltzeko lana egin behar. Noski, politiko "farisaikoek" ez dute lagunduko, baina ordua ere iritsia izango da borroka armatuak zertan lagundu dion euskarari galdetzeko.

#7. Gizajoak, FAXISTA guztiak

aritza ¦ 2003-02-26 ¦ 19:26

Euskaldun batzuek zuk nahi dituzun bezelako salaketak egiten ez dituenez, ulertu egin behar ditugu haien NAZIkeriak.

Zihur naiz euskalgintzari eskatzen diozun kokatze hori, zuk hartua duzula, eta ez atzodanik, seguraski.
Orain denok hartu beharko dugu, euskaraz egunkari bat aukeratu nahi izatekotan.

Jende batzuek, urte asko daramazue españiar estatuaren kultur anitzeko izaera azpimarratzen.

Zuen FASCIO-arekiko elkartasunak halako fruituak ekartzen ditu. Haiek babaitakite zuek "konprenituko" dituzuela.

#8. Okerreko lekuari so (nire ustetan, bederen)

ni ¦ 2003-02-26 ¦ 19:54

Kezka handiz irakurri ditut hemen bota diren iritzi batzuk. Batzuek Egunkariaren itxieraren aurrean behar beste (edo inolako) elkartasunik erakutsi ez eta nolabait horren “errua” euskalgintzarena dela iradokitzen du, nonbait ez baititugu jasan dituzten erasoak “argi eta ozen” gaitzetsi. Elkartasuna salerosketa kontua ez dela uste dut nik; baldintza menpeko eta trukearen elkartasuna ez da elkartasuna, interesa baizik.

Argi hitz egitearren, jar diezaiegun subjektu eta objektuei izen eta abizen. PSOEk bere burua demokrata eta ezkertiar baderitzo etekinik gabeko elkartasuna adierazi beharko luke.

Herri akonplejatua gara. Euskaldun eta abertzale izateagatik barkamena eskatu behar dugu, ala? “Ni bai abertzale eta euskalduna naiz, baina bada ere euskalduna eta anarkista denik, euskalduna eta espainola sentitzen denik... ez dugu zertan hizkuntza eta politika arteko loturarik egin behar”, horrelakorik ohartaraztera behartuta gaude, ala? Horrela “hurbilduko” ditugu?
PSOEk -salbuespenak salbuespen- soberan du euskara, bata eta bestearen arteko lotura egiten duelako eta euskalgintza arloa bere interes politikoen mesedetan kontrolatzen ez duelako. Alegia, euskararen aldeko apostua egiten ez badu, etekin politikorik ematen ez diolako da nire ustetan.

Era berean harrigarria suertatzen zait herri honetan jasaten dugun zorigaiztoko gertaera oro batzuek borroka armatuari leporatzeko duten gaitasuna. Beraz, Egunkariaren itxieraren eta euskararen aurkako erasoen azken erruduna ere ETA izanen da, ez da ala? Faborez! ETA existitu ala ez, berdin-berdin ekingo zion Estatuak euskararen aurka. Dagoeneko ez al da argi geratu jomuga ez dela borroka armatua? Bestenaz, zergatik ekingo zioten bada Egunkariaren, ikastolen etabar luze baten aurka?

Amaitzeko, “Egunkariari egindako bezalako erasoak gizartearen gehiengoak propio bezala” sentitzen dituela esan nahiko nuke. Hori sinetsi beharra dago baina!. Orduan soilik bulkatzen ahal ditugu benetan gure indarrak soluziobidean, nire ustez herri honi jada geratzen zaion konponbide bakarrean: euskal herritarren hitza eta erabakia errespetatu behar dela uste duten eragile guztien arteko elkarlanak abian jarriko duen prozesu batean.

#9. Okerreko lekuari so (nire usteta, bederen)

ni ¦ 2003-02-26 ¦ 19:55

Kezka handiz irakurri ditut hemen bota diren iritzi batzuk. Batzuek Egunkariaren itxieraren aurrean behar beste (edo inolako) elkartasunik erakutsi ez eta nolabait horren “errua” euskalgintzarena dela iradokitzen du, nonbait ez baititugu jasan dituzten erasoak “argi eta ozen” gaitzetsi. Elkartasuna salerosketa kontua ez dela uste dut nik; baldintza menpeko eta trukearen elkartasuna ez da elkartasuna, interesa baizik.

Argi hitz egitearren, jar diezaiegun subjektu eta objektuei izen eta abizen. PSOEk bere burua demokrata eta ezkertiar baderitzo etekinik gabeko elkartasuna adierazi beharko luke.

Herri akonplejatua gara. Euskaldun eta abertzale izateagatik barkamena eskatu behar dugu, ala? “Ni bai abertzale eta euskalduna naiz, baina bada ere euskalduna eta anarkista denik, euskalduna eta espainola sentitzen denik... ez dugu zertan hizkuntza eta politika arteko loturarik egin behar”, horrelakorik ohartaraztera behartuta gaude, ala? Horrela “hurbilduko” ditugu?
PSOEk -salbuespenak salbuespen- soberan du euskara, bata eta bestearen arteko lotura egiten duelako eta euskalgintza arloa bere interes politikoen mesedetan kontrolatzen ez duelako. Alegia, euskararen aldeko apostua egiten ez badu, etekin politikorik ematen ez diolako da nire ustetan.

Era berean harrigarria suertatzen zait herri honetan jasaten dugun zorigaiztoko gertaera oro batzuek borroka armatuari leporatzeko duten gaitasuna. Beraz, Egunkariaren itxieraren eta euskararen aurkako erasoen azken erruduna ere ETA izanen da, ez da ala? Faborez! ETA existitu ala ez, berdin-berdin ekingo zion Estatuak euskararen aurka. Dagoeneko ez al da argi geratu jomuga ez dela borroka armatua? Bestenaz, zergatik ekingo zioten bada Egunkariaren, ikastolen etabar luze baten aurka?

Amaitzeko, “Egunkariari egindako bezalako erasoak gizartearen gehiengoak propio bezala” sentitzen dituela esan nahiko nuke. Hori sinetsi beharra dago baina!. Orduan soilik bulkatzen ahal ditugu benetan gure indarrak soluziobidean, nire ustez herri honi jada geratzen zaion konponbide bakarrean: euskal herritarren hitza eta erabakia errespetatu behar dela uste duten eragile guztien arteko elkarlanak abian jarriko duen prozesu batean.

#10. ETA, jubilatu dadila lehenbailehen

Txomin ¦ 2003-02-26 ¦ 22:06

> ETA existitu ala ez, berdin-berdin ekingo zion Estatuak euskararen aurka.

Gauzak ez dira berdinak ETA existitu ala ez, ETAk bazterrak nahastu baino ez ditu egiten eta: hil egiten du (inor juzgatu gabe), torturatu egiten du (hori egiten du bahituekin), mina eta sufrimendua zabaltzen ditu nonahi eta paregabeko aitzakia ematen die neofrankistei euskal abertzale (edo euskaltzale) oro erasotzeko.

Gaur egun PPri baino ez dio mesederik egiten ETAk. Horregatik, lehenbailehen jubilatu dadila eta utzi gaitzala bakean. ETAk ez dauka zerikusirik Egunkariarekin. Aurrera Egunkaria!

#11. Belar berdeak behien amets

Shantal ¦ 2003-02-27 ¦ 00:30

Arrazoi duzu. PPkoek ETAren ekintza armatuei sekulako atarramendu elektorala ateratzen diete. Bai, jubila daitezela ETAkoak eta Egunkaria itxi diguten terrorista zikin hoiek!! Beno, azken hauek ez dira jubilatuko eta aurrekoak oraindik gutxiago...

ETA ORDUAN ZERTAN ARI GARA HOIEK JUBILATU ZAIN????

Insumisioa! eta EGUNKARIA ASKATU!

#12. Ni ez nago zain

ni ¦ 2003-02-27 ¦ 11:19

"ETA ORDUAN ZERTAN ARI GARA HOIEK JUBILATU ZAIN???? "
Hori da hain zuzen ere azaldu nahi nuen ikuspuntua. Batzuek eta besteek bereari eusten dioten bitartean, euskal gizarteak ez duela zain egon behar, aitzina egiten baizik. Hori da. Eta alferrikako denbora galtzea ere deritzot nik PSOEkoak gerturatu nahiez zain egoteari. Batzuen zein besteen estrategiak aldatu bitartean, Euskal Herriak aurrera egin behar du, prozesu burujabe batean benetan inplikatu nahi diren indar guztiak metatuz. Horretarako borondatea besterik ez da behar; eta, ene irudiko, bide horri heltzeko aurrebaldintzak eta exigentziak soberan dira, aitzakiak dira.

#13. Euuup!

pintxo ¦ 2003-02-27 ¦ 14:37

Aupa gudari!!!!

#14. Euuup!

pintxo ¦ 2003-02-27 ¦ 14:38

Aupa gudari!!!!

#15. Elkartu gaitezen euskaldunak

Juan M Alberdi ¦ 2003-02-26 ¦ 18:35

Aurreko mezuan españolen eta euskaldunen amildegiaz idatzi da. Baina momentu honetan euskaldunen artean lortu beharko zen akordio minimo bat, euskeraren kultura bizi garenon artean, euskaldunok eduki behar dugu gure plan estrategikoa, gero indarrakin españolei proposatzeko. Gutxi gara baina herri honetakoa gara eta horrek indar morala badauka. Guk adostu behar dugu zer nahi dugun, zein norabidean jo. Españolek aldamenean ezer ganorazkorik ez badute ikusten ez dute begiratu ere egingo. Biolentzia betirako arbuiatu baina Lizarrakoa berriro abiatu, indar guztiarekin, epelkerietan ibili gabe, saloiko politika elitista alde batera utzita, nazio bat garan edo ez behingoz erabakiz. Mesedez politikariak, lagundu.

#16. Eta non sartu dira sozialistak?

Asun ¦ 2003-02-27 ¦ 09:45

Joxe, ados nago zurekin. Baina min handia egiten dit sozialisten jarrerak, hain da ozena haien isiltasuna izugarrikeria honen aurrean! Non daude Patxi López, Egiguren, Rojo, Pagaza, Jauregi, etab.?

Dena dela, bakoitzari berea, txalotu egin nahi dut talde txiki baten jarrera. Lau katu izango dira sozialisten artean, baina ausartak izan dira eta garbi altxarazi dute beraien ahotsa, lehen eta orain: Ramon Etxezarreta, Gema Zabaleta, Odon Elorza eta Denis Itxaso. Chapeau!

Besarkada handi bat atxilotuei eta Egunkariari, aurrera!

#17. Atxagarena, erdaraz

Sustatu ¦ 2003-02-26 ¦ 17:23

Itzultzaile profesionalak ez diren internauta euskaldunek egindako bi itzulpen.

Gaztelaniaz, hemen.

Eta ingelesez, jarraian:

Bazterrean goxoago? (Bernardo Atxaga)

As in that tale related by Arratibel, the best herbs of the Basque Language are never placed in the position we are, they are otherwise later on. “Later on and better ones”, we listen once again and again, and yet there are some of us who take a rule and a triangle for drawing maps. “Alfa!” they shout while they mark our time with a litte spot. “Omega!”, they answer on , and they draw two long lines towards an angle in the map. Will they join together? Won´t they? We don´t know it. Nobody has reached the future yet.

But this wait, let me say it in that way, is not trifle. The future makes us get tired. We cannot always stand on tiptoe in front of the window pane, waiting for the dawn to come. That is to say, this attitude is making us get tired. And though it seems it is black magic, that happy future never comes. Or telling it in other way, it becomes present as soon as it comes. “Later on and better ones”, these are the words we hear then as well, for the umpteenth time, and it may be us the ones who pronounce them. Because, a long time after, yet from Axular´s time, we have got accustomed to thinking and feeling in this way; and we have two voices, as ventriloquists do: the first one makes us speak with a sense of hope, following the track left by map-makers; nonetheless, the other one places the fury this hope carries to us. And this fury is getting bigger and bigger. Because we don’t find those sweet herbs of the future. But, we meet the bitterness of the present time. Surely, far bitter than ever.

The last February 20th, 2003, after watching Joan Mari Torrealdai on TV, inclined, bowed forward and obliged by a dim arm, with his head being covered, I felt like praying, though I do not know how. I thought and felt that image was out everyday´s scope, and that I could not anwer back with just an only shout of annoyance or a public comment. Ecce homo: a man who has given a whole life working in favour of the Basque Culture, most of the times joyful, smiley (“How can a man like you become a friar?” is what once in Arantzazu, Oteiza shouted at him, when Oteiza himself, as well, was madly happy), this man was being driven as if he were a criminal. Malcom Lowry, conscientiously, writes this next sentence in his most famous book: “And now a sad thing comes to my mind: Oscar Wilded handcuffed in Victoria Station, waiting for the train to take him to Reading prison, whilst people around walk and say: “Look! That one there is Oscar Wilde”. The moment has come: We already have something alike in our memories.

But, didn´t I only get sad because of Joan Mari Torrealdai. And either didn´t I because of the mates that were suffering the same situation. I got sad because of all of us who are living tied to a language and a land, because this present time we are living is always bitter. Because we are getting more and more tired. And, in addition, how many are we? Five, six, seven? And out of this prairie, already almost nobody wants us. I watched as well some other images on TV. Those pieces of news published on newspapers: the Police sealing doors; people protesting and booing; people declaring for the first time. And politicians: Don Quixote, Don Volpone and Pepito Grillo. The map-makers did appear as well, of course. And the clumsiest of all shamelesnessly mixed the detained persons from Egunkaria with the last detentions carried out in Euskal Herria. I´m sorry to say there is nothing new. There was noboby saying: “For those of us in Spain, with a democratic sensitiveness, all that has happened so far is making us think. We are doubting if we, in a totalitary way, are attacking against a Basque-speaking minority”. At this riverside, there haven´t been any changes either, because nobody has stated: “All of a sudden, we have recalled what Tiresias answered to Edipo (in Pasolini`s version): ‘The abyss you are looking for is inside of you’. We will have to think, all of us who are part of the Basque culture, will have to think what our fault is in this disaster. And the main thinking will have to be carried out in the same Egunkaria, and analyze whether our political behaviour has been correct or not and the consequences it has brought. In the present, not in the future.

On TV and out of it, different declarations about everything that has happened follow each other. Some of them say: “They won´t pass”. And others say: “We have lost many battles, but we are still here”. Miren Azkarate (Counselor of Culture in the Basque Government), asked firmly not to mix political extremism and the Basque language, and we should thank her for denouncing the situation Pello Zubiria -because of his degenerative illness- is currently suffering. I also heard Mariano Ferrer: it is true, as he stated, Txema Auzmendi is somebody with an exemplary behaviour, and his being arrested is very painful for all of us who know him. But, in this confusion, Joan Mari Torrealdai´s image outshines all the rest. At least, in my memory. That man, with his head being covered, inclined, bowed forward and surrounded by policemen. I think is has a speacial meaning. It may mean the end of a time, of an age, of a era.

#18. Beste artikulu bat

Federico Jimenez Losantos ¦ 2003-02-26 ¦ 17:27

Atxagarena, ona. Baina gaurko Eguneron datorren Pako Aristiren artikulua ere ez da makala.

#19. Pako Aristiren artikuluaren pasarte batzuk

editorea ¦ 2003-02-26 ¦ 18:00

> Atxagarena, ona. Baina gaurko Eguneron datorren Pako Aristiren artikulua ere ez da makala.

Ausartu egingo naiz esaten dituen batzuk laburtzera. Hala ere, osorik irakurri gura duenak Eguneron du aukera. Hauxe dio:

----------------------

Egunkari berri eta probisionalak 50.000 ale saldu zituen. Lur eta zur, galdetu nion neure buruari: non egon dira irakurle hauek guztiak hamabi urteotan?... ... ez zekiten existitzen zenik?

Ba ez, ez zekiten. Eta esango dizuet zergatik: jende horrek, orain agertu den irakurle-plusbalia horrek Marca irakurtzen zuelako, El Diario Vasco irakurtzen zuelako, El Correo, Interviu, Lecturas, Integral eta nahi duzuena, baina euskaraz ez zuen ezertxo ere irakurtzen. Zaila omen da, ohiturarik ez omen daukate, ez omen dute ulertzen lexikoa, irakurritakoa ez omen dute disfrutatzen. Horrela, nahiago dute Galdu arte bezalako nobela polit bat irakurri baino El clan del oso cavernario totxotzarra irakurtzea. Eta nahiago dute El Diario Vasco-ko fatxakeriekin gosaldu Kirmen Uribek idatzitako artikulu samur batekin baino.

Egunkariak estilo liburu bikain bat argitaratu zuen, baina ez dute ezagutzen. Egunkariako kazetariek oso soldata kaskarrak zeuzkaten, oso gutxi ordaintzen zitzaion kolaboratzaileei, baina hori ez zekiten. Gure umoristarik onenek Egunkarian argitaratzen zuten egunero, baina hori ez zekiten. Elkarrizketa luze eta pluralistak egiten zitzaizkion jendeari Egunkarian, baina hori ez zekiten, nahiago zuten beste egunkari eta aldizkari gehientsuenetako elkarrizketa txoro, partidista eta errepikakorrak irakurtzea.

Ostegunean, San Eleuteriok, miraria egin digu: mundua enteratu da euskarazko egunkari bat zegoela, eta euskaldunok enteratu gara gure iraupenarentzat oso garrantzitsua zela. Horregatik hasi da jendea protestaka, kalera ateraz eta Egunkaria erosiz. Euskaldunok oso onak gara protesta egiten, baina oso txarrak gure hitzak betetzen. Euskararen beharra, euskararekiko maitasuna ez ditugu gure eguneroko bizitzan agertzen. Maitale faltsuak gara.

Beldur naiz euskaldunok protesta egiteko baizik ez ote dugun balio, beldur naiz ez ote garen gauza gure asmo beroei, gure sentimentalkeria sutsuei egunero-egunero jarraipena emateko. Hor dago Egunkariaren arazoa, ez Madrileko epaitegi batean. Ez gaitezen okertu.

#20. Hala da bai

Maria ¦ 2003-02-26 ¦ 18:59

Erabat ados Pako Aristik artikuluan dioenarekin, nire ustez, egia handiak. Hala ere, ez dezagun pentsa euskaraz datorrena bakarrik denik ona. Hau da, Diario Vascon ere elkarrizketa interesgarriak irakur daitezkeela, eta ez dezagun ahaztu, euskal idazle batzuk ere bertan idazten dituztela artikuluak.

Niri, bestalde, kioskoak aldizkariz josita gustatzen zaizkit. Diruagatik ez balitz, egunero zazpi besapean ditudala aterako nintzateke; berdin zait Interviu, Muy Interesante edo Hola. Hori bai, gustatuko litzaidake, noizean behin, euskal irakurleek Euskaldunon Egunkaria edo etorriko den delakoa erostea. Zeren orain arte zein bakarti ikusi dudan Egunkaria nire etxe ondoko kioskoan! Goizean-goiz joan zara kioskora Egunkaria erostera eta ikusten duzu mendi benetan txikia egiten dutela bata bestearen gainena pilatutako Egunkariek.

Ondoan Diario Vasco dago, eta pentsatzen duzu: jolin, honek Everest ematen du, Egunkariaren kasuan hala salduko balitz... Inbidia apur bat ematen dit, baina berdin zait, aspaldi Egunkariarekin ohitu nintzela! Egunotan berriz, Himalayako mendi bat dirudite Egunero guztiek, bata bestearen gainean. Eta aizue, oraindik ere makina bat saltzen ei dira! Baina begira, Arrasate Irratiko lankide batek gaur arratsaldean herriko kiosko batean galdera egin du, eta bereziki joan den ostiralean eta gaur saldu ei dira Egunero gehien. Hau da, itxi eta hurrengo egunean, eta tortura kasuen berri jakin denean. Beraz, egurra eman behar ote diote Egunkariari, Egunero gehiago saltzeko?

#21. DVren estrategia eta ondorioak

Alex ¦ 2003-02-26 ¦ 21:49

Egia da DVn ere agertzen direla elkarrizketa interesgarriak eta hor ere idazten dutela euskal idazle zenbaitek. Hori da gauza bat. Eta bestea da nola DV bera ari den informazioa ezkutatzen Egunkariaren arazoan. Ikusi duzu gaur azalean aipamenik tortura salaketaren gainean? Ezta letra bat ere.

Euskaldun asko sutan daude politika horrekin. Baina iruditzen zait DV hasi dela horren ondorioak igartzen. Gaur hain zuzen, bi lagunek -azken hogei urteotan DV baino irakurri ez duten bi lagunek- esan didate nola erabaki duten aurrerantzean ez erostea DV. Batek Deia erosiko du, eta besteak Egunero.

#22. Garagardo bana

Juan M Alberdi ¦ 2003-02-26 ¦ 22:27

Zure lagun hoiek gonbidatu beharko zenituzke garagardo bana, bina, hiruna, .... hartzera. Aurrera euskaldunak!

#23. Oso artikululu ona, baino.....

Benito ¦ 2003-03-03 ¦ 11:02

Oso artikulu ona iruditu zait Pako Aristirena, eta euskaldunon barruan dagoen arra ikutzen duena gainera; halere egi osoa dioena. Egi osoa azken esaldi hori bota aurretik. Ze pena.
Baina hau, gure etxeko arazoa da. Eta batzutan ahaztu egiten ba zaigu ere, honelako artikulu bat irakurri ondoren, gu geu ere konturatzen gara egia dela. Arazo haundi bat dugula. Baina lehen nioen bezala, hau gure etxeko arazoa da. Nor da nere bizilaguna nere etxera etorri eta nik zer egin behar dudan esateko? eta gainera nere bizilaguna nere gustokoa ez denen....
Ahaztu egin zaio gure Pakori, gure bizilagunak gure etxera sartu, gure anaiak baitu, jipoitu.. gogo eman dien guztia egin (eta oraingo kasuan indar gehiagokin salatu bada ere, jende askok eta askok jasan behar izan du holakorik) digutela, berak aipatzen dituen Madrilgo epaitegiek hau dena onartuz. Eta gure arazoa ez omen dago epaitegi hauetan........

Ba bai, guk arazo asko ditugu, baino utz gaitzatela pakean gure arazoekin, arazo gehiagorik sortu gabe.

#24. Osaba Tom

Iñaki Urutxurtu ¦ 2003-02-27 ¦ 09:13

Zaharrak berri. Atxaga aspaldi dabil osaba Tomarena egiten. Ez dago bakarrik. Lekuko dugu El Pais egunkarian espainar "progre"-en bihotz onak leundu nahian aritzen den idazle taldea. Azpimarragarria iruditzen zait aurreko astean atxilotuen artean Atxagak ezarri nahi dituen aldeak. Baita "bere" gobernuak (EJ-k) tortura posible egiten duten baldintzen defentsa sutsua egin izana. Eta gure Atxaga mutu.

#25. Txaloak Atxaga eta Aristiri

j.garmendia ¦ 2003-02-27 ¦ 11:05

Guztiz ados Atxagarekin eta Aristirekin. Historia ez dute politikariek edo historiadoreek idazten, idazleek baizik. Behin ondo erakutsita manifak egiten onenak garela, autokritika egiteko unea heldu da.
Hainbeste ikurriña, hainbeste ea zein den abertzaleena, hainbeste sentimentalkeria, hainbeste mitologia..., zertarako?
Gure mamuak ez daude Madrilen bakarrik, gure baitan ere bai.
Eta ETArekin bukatzen ez dugun bitartean, jai daukagu.

#26. Errudunak argi seinalatuz

Estauaren injerentziari, nunca maix ¦ 2003-02-27 ¦ 11:36

Penagarria benetan zure ondorioa. Euskaldunon Egunkaria itxi eta gure lehentasuna ETArekin amaitzea da, eta ez Euskal Herriko gizartearen borondatearen aurka Egunkaria itxi dutenen eguneroko injerentziaz behin betikoz libratzea. Hara!
P.D: Mesedez, ez ETAren aurkako diskurtso sutsurik egin honen erantzunean, ez bainago ETAren komenientziaz edo zilegitasun etiko edo moralaz ari. Egunkaria itxi dutenen ardura argi seinalatzen baizik.

#27. Berriz ere garai baten bukaera

Brasilgo euskaldun bat ¦ 2003-02-27 ¦ 12:37

Nahiz eta milaka kilometrotara egon, beste behin Euskal Herriko berriek gure "lasaitasun" tropikala, eta bide batez bihotzak, hizoztu dizkigute. Eta garbi geratu dadila BESTE BEHIN, izan ere badiduri horrenbeste admiratzen dudan Atxaga jaunari eta beste hainbesteri oraintxe begiak zabaldu zaizkiela!
Pentsatu nahi nuke garai baten bukaera, eta batez ere, garai berri baten hasiera izango dela, baina horelako egoerak majina bat aldiz ikusi dittugu (Egin itsi zutenean, torturak salatu izan direnean, Nafarroa oinezen egurtuak izan ginenean, heriotzak e.a. luze bat, gure herriaren azkeneko urteetako historia benetan goibela da) baina batzuen hipokrisia eta beste batzuen itsutasunak eta gure etsaien ... nola definitu? Ea oker nagoen, ea behingoz garbi geratzen den euskaldunok elkarturik gure kultura, hizkuntza eta bizitzaren oinarriak sortu behar ditugula, eta hori, guk bakarrik egin dezakegu, ez itxoin ez Espainol edo Frantsesek guregatik egingo dutenik, horietatik zer espero dezakegun garbi ez bazegoen batzuentzat, espero dut orain argituko zela.
Izan dadila bai garai berri baten hasiera, horrenbeste sufrimentuek zerbaitetarako balio izan dezatela... gaitz erdi, eta oraingoan Atxaga aurrean ikusi nahi nuke, ohore handiz.

Um abraço,

Denok gara Egunkaria, denok gara Euskalerria

#28. Ez nahastu garia eta garizuma

Moito obrigado ¦ 2003-02-27 ¦ 17:06

> Egin itsi zutenean, torturak salatu izan direnean, Nafarroa oinezen egurtuak izan ginenean, heriotzak e.a.

Zergatik nahastu Egunkariaren ixtea HBren inguruko gorabehera eta erreibindikazioekin? Beste horietan diskutitzeko asko egon daiteke, baina beste une batean.

Ala Del Olmo horrek arrazoia du eta Egunkaria ETAren apendize bat besterik ez ote?

Nik erantzuna oso garbi daukat eta horregatik Egunkaria berriz ere kalean ikusi nahi dut, eta atxilotuak gure artean.

#29. Garia eta garizuma nahasturik egin ogia

Brasilgo euskadun bat ¦ 2003-02-27 ¦ 20:31

Noiztik Nafarroa oinezek HBren estrategiarekin zerikusirik du?

Nik ere Egunkaria kalean irakurri nahi dut lehen bait lehen, atxilotuak kalean ... eta horretarako garia eta garizuma nahastu beharko dira, eta elkarrekin ogia egin. Horixe da ikusi nahi nukeen garai berrien itsura.

Um abraço

#30. Ogirik gabe, bakerik ez; bakerik gabe, ogirik ez

Moito obrigado ¦ 2003-02-27 ¦ 21:41

"Berrogeita sei eguneko aldia, inauterien eta bazko denboraren artean, Jesukristok basamortuan egin zuen baraualdiaren oroitzapenetan Elizak eratua". Horixe da garizuma, hiztegiak dio.

Ogia egiteko hobe ura eta altxagarria erabiltzen badituzu, bestela jai.

Bide batez, ondo pasatu inauteriak, hemen behintzat gaur eguen zuri da eta!

#31. Egin dezagun ba ogia

Brasilgo euskaldun bat ¦ 2003-03-05 ¦ 15:18

Elizatik denbora gehitxo urrundurik, hanka sartzea barkatuko diek, nik bai garia, garitxikia eta garizuma nahastu ditudala eta azkenean ogiaren ordez berriz pastela! Brasildarrek dioten bezala: acabou em pizza!
Egin dezagun ogia bai, bakea lortzeko eta bakea ogia egiteko.

Inauteriak joan dittuk eta urtea orain hasiko dek Brasilen ... eguneroko inauteri handia.

Um abraço

#32. penagarria?

j.garmendia ¦ 2003-02-27 ¦ 15:44

Eske ni ez nago bakarrik Egunkariako auziaz bakarrik berbar egiten. Auzi honetan argi dago zein den errudun bakarra, Espainiako Gobernua.
Ni gure egoeraz ari naiz, Euskal Herriko egoeraz, alegia. Gaur egun Herrialde honek bi etsai ditu: bat kanpoan eta bestea barruan. Eta oraindik euskaldunok ez gara ados jarri diagnosia egiterakoan. Hau da gure etsaiei indarra ematen diena.
Penagarria diozu? gaur eta hemen dena da penagarria.

#33. Penagarria:pena, tristura ematen duena

Estatuaren injerentziari, nunca maix ¦ 2003-02-27 ¦ 16:44

Penagarria bai batzen gaituenean baino, bereizten gaituenean azpimarra egitea.
"ETArekin bukatzen ez dugun bitartean, jai daukagu", diozu zuk... eta horrekin bat ez natorrela nik.
ETArekin aldez aurretik amaitzea baldintza 'sine qua nun' dela uste duzuenoi "esker" halaxe jarraituko dugu betikoz, goiko lagun batek esaten duen legez egoera honetan ez batzuek ez besteek dutelako amore emanen. Aurrera egiterik bada, ordea. Duela 5 ia bost urte halaxe frogatu zen: goazen indar ezkertzale eta abertzale guztion arteko apostu batera eta ikusiko dugu nola alde bateko bortizkeria desagertzen den.
Horretarako, ordea, "ETArekin bukatzen ez dugun bitartean jai daikagu" moduko jarrerak alde batera utzi beharko genituzke (eta adi ez baitut esaten "ETA gabe edo ETAren su-eten batekin dena errezagoa litzateke" modukoak alde batera utzi behar direnik esaten, eh?).

#34. Ez dugu behar jagole armaturik

Axun ¦ 2003-02-27 ¦ 18:38

> ETArekin aldez aurretik amaitzea baldintza 'sine qua nun' dela uste duzuenoi "esker" halaxe jarraituko dugu betikoz,

Zertarako behar dugu ETA, baina? Hogeita hamar bat urte darama lanean eta begira emaitza: 800 bat hildako, 600etik gora preso eta independentziaren arrastorik, bat ere ez.

ETAk usteldu egiten du ikutzen duen guztia. Adibidez, zer arraio egiten zuen Txelis hark Egunkarian eskua sartu behar zela esaten? Mesede ederra, ezta?

Ez dugu jagole armaturik behar. Denok bat eginda (denok, ez gutarrak bakarrik) atera behar dugu Egunkaria ataka gaizto honetatik.

Kartzelan geratu direnak kalera eta Egunkaria berriz ere gure eskuetara!

#35. Beharrak, nahiak eta errealitate gaindigarriak

Estatuaren injerentziari, nunca maix ¦ 2003-02-27 ¦ 19:31

> Ez dugu jagole armaturik behar. Denok bat eginda (denok, ez gutarrak bakarrik) atera behar dugu Egunkaria ataka gaizto honetatik.

Zeinek esan du ETA behar dugunik? Nik akaso?Behar edota nahien gainetik bada errealitate bat, eta errealitate hori, besteen artean, borroka armatuarena da. Horrek ekarri dituen ondorioen inguruan asko eztabaidatu daiteke, baina horien guztien artetik agian gehien harritzen nauena da ETA gaitzesten duen hainbat jendek Euskal Herriaren etorkizuna nola ETAren esku uzten duen ikustea. Eta horixe egiten du amaiezinezko eztabaidan: kondenatu beharra dago, ETA desagertzen ez den arte hau eta beste ... geratzen dena.Hori bai tunel iluna!.
Zurekin bat nator "denok bat eginda (denok, ez gutarrak bakarrik) atera behar dugu Egunkaria ataka gaizto honetatik" diozunean. Are esango nuke nik: denok bat eginda atera behar dugu Euskal Herria ataka gaizto honetatik, elkartzen gaituenean bat eginda.

#36. perspektiba falta

j.garmendia ¦ 2003-02-28 ¦ 09:26

Duela 5 ia bost urte halaxe frogatu zen: goazen indar ezkertzale eta abertzale guztion arteko apostu batera eta ikusiko dugu nola alde bateko bortizkeria desagertzen den.

>Zuk uste duzu datozen urteetan EH-ra etorriko diren milaka etorkin ezker-abertzalekoak izango direla?
Orain dela 5 urtekoa frakaso hutsa izan zen; baina, a ze polita! abertzale guztiok eskutik ebatuta!

#37. Bultzada ere ote?

Karrax ¦ 2003-02-27 ¦ 12:42

Bernardoren ezkortasun erabat ulergarriari idei xume bat gehitu gura nioke, akaso inozoegia, akaso okerra, baina aurrera egiteko adorean oinarriturik beti ere: estatu jazarle honen azken atzaparkada anker hau... bultzada ere ez ote da izango, bere itzal atsitu eta itogarriaren magaletik alderatzeko? "Gizarte amorratu bezain adimentsu baten arnas-grina boltsa batez itotzen saiatzea akats larria da, Miguel Angel "Aldrebes" ministro jauna."

Karrax