Itzuli orri nagusira Bidali hau Tweet

Amodiozko gutunak eta sakeleko telefono bidezko maitasun mezuak

Jardun Elkartea - Bergarako Jardun Elkartea ¦ 2002-11-27 ¦ 10:20 ¦ kultura

Bi epaimahai izango ditu lehiaketak: epaimahai gaztea, Bergarako Ertaineko ikastetxe ezberdinetako ikaslez osatutakoa; eta epaimahai nagusia, literatura eta kultura munduko pertsona ezagunek osatzen dutena: aurtengoan honakoak ditugu: Bertol Arrieta (iazko irabazlea), Iban Zaldua (idazlea), Jabier Muguruza (kantaria) eta Sustrai Colina (bertsolaria).

Hona hemen bi lehiaketen oinarriak: (Argibiderik edo lehiaketari buruzko informaziorik behar izanez gero, deitu 606526810 telefonora)

AMODIOZKO GUTUNEN XI. BERRIGARA LEHIAKETA

Oinarriak

1-Lehiaketa honetan 1988.ean edo lehenago jaiotako edozein pertsonak parte har dezake.

2-Lan guztiak jatorrizkoak, argitaragabeak eta euskaraz idatziak izan beharko dute.

3-Lanek gutun forma izan beharko dute eta DIN A-4 orritan eskuz zein makinaz idatzita aurkeztu ahal izango dira. Lanen luzeera ezin izango da bi orrialde baino gehiagokoa izan. Lanak e-mailez bidali ahal izango dira.

4-Lanean ez da egilearen daturik jarriko, lema bat bakarrik. Egilearen datuak ( izen abizenak, adina, telefonoa, helbidea eta lanaren lema ) sobre itxi batean sartuko dira eta sobre horren azalean lanean jarri den lema bera jarriko da. E-mailez bidalitako gutunen kasuan, gutuna fitxategi batean bidaliko da, "gutuna" izenarekin eta egilearen datuak, "egilea" izena duen beste fitxategi batean.

5-Lanak ( orijinala eta hiru kopia ) eta egilearen datuak dituen sobrea beste sobre handiago baten sartuta, honako helbide honetara bidali beharko dira: Amodiozko Gutunen XI. Berrigara Lehiaketa
Jardun Elkartea, Errotalde jauregia z/g
20570 Bergara
e-posta: jardun@topagunea.com

Horretarako azken eguna 2003ko urtarrilaren 8a izango da.

6-Sariak honako hauek izango dira:

• 1. saria: 450 euro ( 74873 pzta )
• 2. saria: 240 euro ( 39932 pzta )
• Bergarar onenarentzako saria: 150eurotakoa (24.958 pzta ) izango da ( 1. edota 2. saria Bergarako norbaitek lortuko balu, bergarar onenarentzako saria hurrengo bergarar onenari emango litzaioke ).
• Irakurle gazteek emandako saria: Xabier Diaz de Zerioren eskultura bat.

7-Sari ematea otsailaren 14an, San Balentin egunean egingo da, Zabalotegi Aretoan , arratsaldeko 19etan.

8-Lan guztiak Jardun Elkartearen esku geratuko dira eta osorik zein zatika argitaratzeko aukera izango du, beti ere, egilea zein den garbi adieraziz.

9-Lehiaketaren epaimahaia literatura eta kultura munduko pertsona ezagunek osatuko dute. Irakurle gazteen sarirako epaimahaia berriz, Bergarako Ertainetako ikastetxe ezberdinetako ikaslez osatua egongo da.

SAKELEKO TELEFONO BIDEZKO MAITASUN MEZUEN LEHIAKETA

1-Pertsona bakoitzak ezingo du mezu bat baino gehiago bidali.

2-Mezuaren ostean telefono mugikorraren zenbakia eta adina jarri beharko da.

3-Mezuak jasotzeko epea mugatua izango da; urtarrilaren 1etik 15era.

4-Mezuak jatorrizkoak eta euskaraz izan beharko dute.

5-Mezuak honako edozein telefono zenbakitara bidali beharko dira: 652729435 edo 605712469

6-Epaimahaikide Gazteek emango duen saria izango da: 90,15 euro + sorpresa

 Nabigatu euskaraz